Qazaqstan Parıj Olımpıadasynyń segizinshi jarys kúninde kúmis medal alǵanyna qaramastan, medaldar esebinde tómendedi, dep habarlaıdy Egemen.kz.
Keshegi jarys kúnin ulttyq komanda 25-orynda bastaǵan. Artynsha Narıman Qurbanov kúmis medal ıelengen edi. Qazaqstan medaldar esebinde bir satyǵa tómendedi. Qazir Qazaqstan bir altyn, bir kúmis jáne eki qola medalmen 26-orynda. Bul oryndy Ońtústik Afrıkamen bólisip tur.
Qytaı medaldar esebinde kósh basyndaǵy ornyn ustap tur – 16 altyn, 12 kúmis jáne toǵyz qola medal. AQSh (14-24-23) ekinshi orynǵa kóterildi. Al Fransııa (12-14-15) úshinshi orynǵa tústi.
Qazaqstan kórshilerinen О́zbekstanda bir altyn men eki qola medal bar, olar 29-orynda tur. Al Qyrǵyzstan men Túrikmenstan ázirshe júlde enshileı almady.