«Qazaqstan halqyna» QQ 2024-2025 oqý jylyna arnalǵan bilim granttary baǵdarlamasyn jalǵastyryp jatyr. Bıyl áleýmettik osal toptaǵy 850 talapker joǵary bilim ala alady, dep habarlaıdy Egemen.kz qordyń baspasóz qyzmetine silteme jasap.
Aıta keteıik, bilim berý granttary joǵary bilimi bar kadrlardy daıarlaýǵa memlekettik bilim berý tapsyrystaryn ornalastyratyn joǵary oqý oryndarynyń tizbesine engizilgen joǵary oqý oryndarynyń kúndizgi oqý nysanyndaǵy bakalavrıat baǵdarlamasy boıynsha beriledi.
О́tinish berýshiler tómendegi talaptar boıynsha iriktelinedi:
aýyldyq jerdegi, shaǵyn jáne monoqalalardaǵy az qamtylǵan otbasylardan; jetim balalar nemese kámeletke tolǵanǵa deıin ata-anasynyń qamqorlyǵynsyz qalǵandar; múgedektigi bar; múgedek balalardy tárbıelep otyrǵan otbasylardan; 2022 jylǵy qańtardaǵy qaıǵyly oqıǵalar kezinde qaıtys bolǵan Qazaqstan Respýblıkasy azamattarynyń balalary; 2022 jylǵy qańtardaǵy qaıǵyly oqıǵalar kezinde jaralanǵan balalar.