Eki el arasyn jalǵaǵan altyn kópir

Memlekettik keńes­shi Erlan Qarın О́zbek­stan Respýblıkasy Prezı­den­tiniń kómekshisi Saıda Mırzııoevamen birge «Zakovat» zııatkerlik klýby uıym­das­tyrǵan is-sharaǵa qatysty.

Is-sharanyń ashylýynda sóz sóılegen Erlan Qarın «Zakovat» jobasy eki el arasyn jalǵaǵan taǵy bir altyn kópirge aınalǵanyn jáne ekijaqty mádenı-gýma­nıtarlyq baılanystardy nyǵaıtýǵa oń yqpal etetinin atap ótti.

Sondaı-aq ol Qazaqstan Prezıdenti Qasym-Jomart Toqaevtyń qoǵamda prog­ressıvti qundylyqtar men ustyndardy, bilim kýl­tin, kásibı sheberlikti qur­met­teý daǵdysyn ornyqtyrý qajettigi týraly udaıy aıtyp kele jatqanyna nazar aýdardy. Sońǵy jyldary Qazaqstanda pedagogterdiń, dárigerlerdiń, mádenıet jáne óner qaıratkerleriniń mártebesin kóterýge, krea­tıvti ındýstrııany qoldaýǵa qatysty naqty sharalar qabyldanǵanyn, jas ǵalym­dardyń zertteýleri men taǵylymdamadan ótýine ar­nalǵan grant sany art­qa­nyn, Prezıdenttik jastar kadrlyq rezervi qurylǵanyn aıtty. Atalǵan qundylyqtar men bastamalar «Zakovat» klýbynyń ıdeologııasymen úndesedi.  

Budan bólek, Memleket­tik keńesshi Qazaqstan men О́zbekstannyń aýqymdy óz­gerister jolynda senim­men qadam basyp kele jatqa­nyn jetkizdi. 

Erlan Qarın sózin qory­tyndylaı kele, eki memleket arasyndaǵy kópjaqty yntymaqtastyq baýyrlas halyqtardyń ıgiligi úshin al­daǵy ýaqytta da nyǵaıa túse­tinine senim bildirdi.

Saıda Mırzııoeva óz só­zin­de jastar árdaıym ja­sam­pazdyq úderisterinde mańyzdy ról atqaryp, órke­nıettiń basty qozǵaýshy kúshi bolatynyn aıtty. Osy­ǵan baılanysty ol «Zakovat» jo­basynyń eki el arasyndaǵy mádenı-gýmanıtarlyq se­rik­tes­tikti keńeıtýdegi mańyz­dylyǵyn atap ótti. Saıda Mırzııoevanyń aıtýynsha, mundaı jobalar Or­talyq Azııa elderiniń adamı kapıtalynyń sapasyn arttyrýǵa oń yqpal etedi.

Sonymen qatar ózbek delegasııasynyń basshysy Qazaqstan men О́zbekstan prezıdentteriniń belsen­di saıası dıalogi Ortalyq Azııa­nyń qaýipsiz, órken­degen aımaq retindegi már­tebesin nyǵaıtýǵa septigin  tıgizetinin aıryqsha atap ótti.