«Dımash tóbede» murajaı ashylady

Aýdan ákimi Da­ryn Sha­muratov­tyń aıtýyn­sha, 1978 jyly Qazaq­stannyń mem­leket jáne qoǵam qaıratkeri, sol kez­degi birinshi hatshy Din­muhamed Qonaev dál osy dóńniń ústinde jergilikti jurtshylyqpen kezdes­ken. Sol kezde Inder aýda­nynyń aýmaǵyndaǵy qaz­ba baılyqtyń mol qory qoıylǵan murajaı da uıym­dastyrylypty. So­dan beri ınderlik tur­ǵyn­dar bul araǵa «Dımash tóbe» ataýyn bergen.

«Oblys ákimi Serik Sháp­­­kenovtiń usynysy­men atal­ǵan tarıhı oryndy qaı­­ta jańǵyrtyp, ashyq aspan astyndaǵy mu­ra­jaıǵa aı­nal­dyrýdy kóz­dedik. Sol sebepten bul oryndy óńirlik týrıstik kartaǵa engizý maqsatynda jańa joba jasaldy. Jo­baǵa sáıkes ashyq aspan astyndaǵy murajaıǵa kirer tustaǵy mańdaıshaǵa «Dımash tóbe» ataýy jazylady», deıdi D.Shamuratov.

Ákimniń aıtýyna qa­raǵanda, murajaı mań­daı­shasynyń sol jaq ba­ǵa­nyna sol kezde túsiril­gen fo­tonyń kóshirmesi tu­ra­dy. Al oń jaqtaǵy ba­ǵan­da murajaı jóninde aqpa­rat beriledi. Ashyq as­pan astyndaǵy jańa mura­jaıdyń aýmaǵyna Dender kúmbezindegi qazba baılyq túrleri, onyń ishinde mıneral tastar men rýdalary salynǵan bir­neshe tas jáshik qoıylady. Sondaı-aq eki úlken kúm­bezdi kompozısııa ornatylady.

Atyraý oblysy