Balqashta «Qońyrat» shaǵyn aýdanyndaǵy kópqabatty turǵyn úı órtenip, saldarynan otyz adam baspanasyz qaldy, dep habarlaıdy Egemen.kz.
Anyqtalǵandaı, turǵyn úıdiń segiz páteri otqa oranyp, 700 sharshy metrdi sharpyǵan. Zardap shekken turǵyndar joq, biraq 30 otbasy baspanasynan aıyrylǵan. Qazir olar ýaqytsha №3 mektep ınternatqa ornalastyrylǵan.
Sonymen qatar ár otbasyǵa ákimdikten bir memlekettik mekemeniń basshysy bekitilgen. Sondaı-aq balalardy saýyqtyrý lagerlerine, zeınetkerlerdi shıpajaıǵa jiberý máselesi qarastyrylyp jatyr.
«О́rt saldarynan 8 páterli turǵyn úıdiń búkil alańynda aǵash shatyr men shatyr jabyny qulady. О́rttiń aldyn ala sebebi − elektr symdarynyń qysqa tuıyqtalýy», dep habarlady qutqarýshylar.