О́ńirlerdegi bala quqyqtary jónindegi ýákilderdiń mindetterine balalardyń quqyqtary men zańdy múddeleriniń buzylýyna, sondaı-aq jergilikti atqarýshy organdar men basqa da uıymdardyń áreketterine nemese áreketsizdigine shaǵymdardy qaraý, bala quqyqtaryn qalpyna keltirýge kómek kórsetý jatady. Budan bólek, mindetter qataryna bilim berý, densaýlyq saqtaý jáne áleýmettik qorǵaý uıymdaryna barý, balalardyń quqyqtarymen aınalysatyn memlekettik jáne qoǵamdyq ınstıtýttardyń qujattaryna qol jetkizý kiredi. «Biz óńirlik ýákilderdiń arqasynda eldegi árbir balanyń quqyǵy qorǵalady degen senimdemiz. Olar táýelsiz ári qoǵamda belsendi jandar retinde memlekettik organdardyń kúsh-jigerin tolyqtyra otyryp, balalardyń ıgiligi úshin jumys isteıtin bolady. Atalǵan jumystar quqyq buzýshylyqtarǵa neǵurlym tıimdi den qoıýǵa jáne der kezinde aldyn alýǵa múmkindik beredi. Bul qyzmet – balalarymyzdyń ómir súrý sapasy men ál-aýqatyn jaqsartyp, ádil jáne qaýipsiz qoǵam qurýǵa mańyzdy qadam», dep atap ótti Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova.