Parıj Olımpıadasynyń jartylaı fınalynda qytaılyq Vý Iýge ese jibergen Nazym Qyzaıbaı jeńisin qoldaý bildirgen kópshilikke arnaıtynyn aıtty, dep habarlaıdy Egemen.kz.
«Áıelder boksynan qazaqtan shyqqan tuńǵysh Olımpıada chempıony ataný armanym boldy. Dzıýdoshy qyzdarmen Parıjde jolyqqanda da sony bir birimizge tiledik. Qazir ózime asa kóńilim tolyp turǵan joq. О́ıtkeni altyn alǵym keldi jáne jeńýge bolatyn qarsylas edi. Alaıda qytaı qyzy jekpe jek barysynda aldap ketti. Oǵan qosa mende «qolaǵa jettiń, endi altyn alý kerek» degen júkteme turǵandaı boldy. Sol kedergi keltirgendeı. Jeńsem de, jeńilsem de qasymnan tabylatyn otbasyma, dostaryma raqmet aıtamyn!Jeńisimdi maǵan qoldaý kórsetken kópshilikke arnaımyn», dedi N.Qyzaıbaı.
Eske salaıyq, Ulttyq qurama boksshysy Nazym Qyzaıbaı Parıj Olımpıadasynyń jartylaı fınalynda Hanchjoýdaǵy jazǵy Azııa oıyndarynyń jeńimpazy, álem chempıony qytaılyq Vý Iýdan jeńilip qaldy. Osylaısha ol Olımpıadanyń qola júldesin mise tutty.