Grek-rım kúresinen Qazaqstan komandasynyń bas bapkeri Iýrıı Melnıchenko Demeý Jadyraevtyń Parıj Olımpıadasynyń fınalyndaǵy kúresi týraly pikir bildirdi, dep habarlaıdy Egemen.kz.
Demeý Jadyraev Olımpıada fınalynda japon balýany Nao Kýsakamen beldesip, 5:2 esebimen jeńildi.
- Jaqsy kúresti, biraq eptilik jetispedi. Bir sátte tepe-teńdikti joǵaltyp aldy. Japon balýany osy sátti paıdasyna asyrdy. О́te ókinishti. Barynsha talpyndy. Alaıda Demeý fınalǵa deıin jetip, kúmis júlde ıelendi. Bul – úlken jetistik. Bizdi qoldaǵan jandardyń bárine alǵys aıtamyn", - dedi Iýrıı Melnıchenko jýrnalısterge bergen suhbatynda.
Aıta keteıik, qazir Qazaqstan qorjynynda Parıj Olımpıadasynyń 1 altyn, 2 kúmis, 3 qola júldesi bar.