Senat depýtattary Naýryzbaı Baıqadamov pen Rýslan Rústemov Qyzylorda oblysynyń turǵyndarymen kezdesti.
Senatorlar aldymen Jańaqorǵan aýdanynda bolyp, aýdan ákimimen, máslıhat depýtattarymen jáne jergilikti turǵyndarmen kezdesti. Onda Senattyń zań shyǵarý qyzmeti týraly aıtyldy, medıasııa men ınfraqurylym máseleleri talqylandy.
Senat depýtattary Shıeli aýdanyndaǵy Bestam aýlynda dárigerlik ambýlatorııa qurylysynyń barysymen tanysty jáne Parlamentte qaralatyn zańdardy talqylaýǵa oraı, quqyq qorǵaý organdarynyń qyzmetkerlerimen kezdesti.
Naýryzbaı Baıqadamov pen Rýslan Rústemov Qarjy monıtorıngi agenttiginiń Qyzylorda oblystyq ekonomıkalyq tergeý departamenti ókilderimen de kezdesti. Kezdesý barysynda Prezıdenttiń Ulttyq quryltaıda aıtqan bastamalary men Parlamentte qabyldanǵan zańdardyń erekshelikteri talqylandy.
Depýtattardyń jumys sapary Tasbóget kentinde odan ári jalǵasty. Olar abattandyrý barysymen tanysty jáne sýarýǵa arnalǵan sý máselesin kótergen jergilikti turǵyndarmen kezdesti. Sapar barysynda sondaı-aq №4 emhanada bolyp, medısınalyq qyzmetkerlermen mekemeniń jumysyn jaqsartý máselesin talqylady.