Búgin qurylys salasynyń qyzmetkerleri ózderiniń kásibı merekelerin atap ótýde, dep habarlaıdy Egemen.kz.
Qurylysshylar kúni tamyzdyń ekinshi jeksenbisinde atap ótiledi.
1955 jyly 6 qyrkúıekte KSRO Joǵarǵy Keńesi Prezıdıýmynyń "Qurylysshylar kúnin" belgileý týraly jarlyǵy shyqty. Alǵash ret bul salanyń qyzmetkerleri merekeni 1956 jyly 12 tamyzda atap ótti.
Qurylys salasy - el ekonomıkasynyń mańyzdy sektorlarynyń biri. Sáýletshiler, ınjenerler men dızaınerler, syrlaýshy - sylaqshylar men árleýshiler, betonshylar men tas qalaýshylar - qazirgi ýaqytta 53 myń kompanııada shamamen 648 myń maman jumys isteıdi.
Qazir sý tasqynynan zardap shekken aımaqtarda qurylysshynyń eńbegi erekshe suranysqa ıe. Keıde olar baspanasynan aıyrylǵan azamattar tezirek jańa úılerine kóshýi úshin táýlik boıy, birneshe aýysymmen jumys isteıdi.
Qurylys salasynyń barlyq qyzmetkerin kásibı merekelerimen quttyqtaımyz. Sizderge zor densaýlyq, baqyt, amandyq pen jańa jetistikter tileımiz!