О́ńirlik dırektordy qabyldady

Keshe Qazaqstan Respýb­lı­kasy Parlamenti Sena­tynyń Tóraǵasy Qasym-Jo­mart Toqaev Birikken Ult­tar Uıymy AITV/JITS jónindegi birikken baǵdar­lamasynyń (IýNEIDS) Shyǵys Eýropa jáne Orta­lyq Azııadaǵy О́ńirlik dırek­tory Vıneı Saldanany qabyl­dady, dep habarlady Senat­tyń baspasóz qyzmeti. Meımanmen júzdesýde Q.To­qaev V.Saldananyń taıaýda osy jaý­apty laýazymǵa taǵaıyndalýy IýNEIDS-tiń aımaqtaǵy jumysyn údetýge yqpal etetinine senim bil­dirdi. Senat Tóraǵasynyń piki­rinshe, BUU-nyń 11 uıymynyń qyz­metin úılestiretin IýNEIDS JITS juqpaly aýrýyna dıag­nostı­ka jasaý, aldyn alý, emdeý jáne aqyrynda joıýdy baǵdar etken  álemniń túrli aımaqtaryndaǵy qyzmetinde eleýli nátıjelerge qol jetkizdi. V.Saldana JITS-pen kúres jónindegi Qazaqstan júrgizip kele jatqan jumystardy joǵary baǵa­lady jáne osy kókeıkesti máse­leni sheshýde Parlament pen Úki­mettiń ózara is-qımylynyń mańyzdylyǵyn atap ótti. «JITS-pen kúreste Qazaqstan 2020 jyly Ortalyq Azııa jáne TMD-daǵy aldyńǵy saptaǵy el bolady dep kútemiz», – dedi IýNEIDS-tiń О́ńir­lik dırektory. Uıym eldegi Al­maty keńsesin AITV juqpaly aýrýyna dıagnostıka jasaý, aldyn alý, emdeý jáne monıtorıng júrgizý jónindegi sharalardy úıles­tirý maqsatynda Ortalyq Azııa­daǵy resýrstyq ortalyq deń­geıi­ne deıin nyǵaıtýdy josparlap otyr. Senat Tóraǵasy júzdesýshini eldegi áleýmettik-ekonomıkalyq ahýalmen, Ortalyq Azııadaǵy jaǵdaımen jáne Parlamenttiń zań shyǵarý qyzmetimen tanys­tyrdy. V.Saldana Prezıdent N.Na­zar­baevtyń ýkraın shıelenisin retteý týraly bastamasy men onyń Astanada «Normand tórt­tiginiń» kezdesýin ótkizý týraly usynysy álemdik qoǵamdastyq tarapynan rızashylyqpen qabyl alynǵanyn jáne ol BUU tarapynan qoldaý tapqanyn atap ótti.