Baıserke balmuzdaǵy Saýd Arabııasynda satylady

Fabrıkada álemdik ón­diristegi eń ozyq qaýipsizdik jáne tıimdilik standarttaryn berik ustanady. Bálkim, sonyń arqasy búginde álemdegi eń myqty 10 balmuzdaq óndirýshi qataryna kirip otyr. Kásiporynda Ile aýdanyna qarasty 12 aýyl­dan 5 000-ǵa jýyq adam eńbek etedi.

«Shın-Laın» shyǵaratyn «Bomba» brendi men «Mıshka na polıýse» sapa boıynsha TMD elderi arasynda al­­dyńǵy qatarda. Jalpy, kompa­nııa jelisinde júzden asa bal­muzdaq túri bar. Shy­ǵys kolorıti bar alǵashqy pre­mıým-brend – «Bahroma» da óz tu­tynýshylaryn tapqan. Al kon­dıterlik ónimder men bal­muzdaq segmentinde «Zolotaıa kolleksııa» jelisine jatatyn «Gýllıver», «Lesnaıa Belochka», «Klıýchık Býratıno», «Ptıchka» jáne «Krasnyı mak» balmuzdaqtary qashanda joǵary suranysqa ıe.

Kásiporyn táýligine 350 tonna ónim shyǵarady. Júk aınalymy 50 myń palletten asatyn jáne 30 gradýsqa deıin avtomatty temperatýra rejimi bar tolyqtaı avtomattandyrylǵan qoımalar tehnologııasy engizilgen. Bul qoımalarda barlyq jumysty robottar jasaıdy.

Ozyq eýropalyq jáne azııalyq tehno­logtermen­ yntymaqtastyqta daıyndal­ǵan joba aıasynda bal­muz­daq óndirisiniń órisi keńeıip kele­di. Jýyrda kompanııa Saýd Ara­bııasynyń «Al-alameya Group» kompanııasymen sol elde balmuzdaq óndi­rý zaýytyn salý­dy qamtıtyn yn­ty­maq­tastyq týraly keli­simge qol qoı­dy. Is-sharaǵa qatysqan oblys ákimi Marat Sultanǵazıev osy serik­testiktiń strategııalyq mańyzdy­lyǵyna toqtalyp, onyń sátti júzege asatynyna senim bildirdi.

«Biz qazaqstandyq seriktestermen yntymaqtasýǵa qýanyshtymyz. Tańdaýly qazaq sútinen jasalǵan balmuzdaq tutynýshylardyń kóńilinen shyǵatynyna senimdimiz», dedi «Al-alameya Group» kompanııa­synyń ıesi Shaýkı Abdýlsatar Abdý Sydyq.

Osy yntymaqtastyq aıasynda jasal­ǵan balmuzdaqtyń alǵashqy partııasy kelesi jyly Saýd Arabııasynyń dúken sórelerine shyǵarylady dep boljanyp otyr.

Almaty oblysy