Pavlodarǵa qarasty Moıyldy aýylynda turatyn kópbalaly áıel ózin-ózi órtep jibermek boldy. Ony qurbysy qutqaryp qaldy, dep habarlaıdy Egemen.kz.
Kýágerlerdiń aıtýynsha, 34 jastaǵy kelinshek ústine janarmaı quıyp tutatqan.
- Denesiniń 36 paıyzyn termııalyq kúıik shalǵan. Aıaq-qoly (2-dárejeli) kúıgen. Naýqas jedel járdemmen qalalyq №1 aýrýhanaǵa jetkizildi, - dep habarlady Pavlodar oblystyq densaýlyq saqtaý basqarmasynyń baspasóz hatshysy Maqpal Qarjaýbaı.
1990 jyly týǵan áıeldiń bes balasy bar. Kúıeýi Reseıde vahtalyq jumysta.
- Kópbalaly otbasy. Ataýly áleýmettik kómek alady. Kúıeýi vahtada. Eshqandaı talaby bolǵan joq. Osy aýylda ájeleri turady. Qazir úsh estııar balasyn ájesiniń qolynda qaldyryp, eki kishkentaıdy áıeldiń sheshesi alyp ketti, - deıdi Moıyldy aýylynyń ákimi Jeńis Ábiken.
Onyń aıtýynsha, qazir máselemen quqyq qorǵaý organdary aınalysyp jatyr.