Qazaq halqynda balalarǵa qatysty salt-joralǵy jeterlik. Túbine úńilsek salt-dástúrimizdiń tekten-tek paıda bolmaǵanyna kóz jetedi. El túsiniginde yrym-tyıym, salt-dástúr adamdy jamandyqtan tyıyp, jaqsylyqqa úndeıdi, bardyń qadirin bilip, joqqa qanaǵat qylýǵa shaqyrady, eńbekke baýlıdy, eptilikke úıretedi. Sondaı syry tereń salttyń biri - básire ataý, dep jazady Egemen.kz.
Ertede ómirge kelgen ul balaǵa tóldegen qulyndy básire ataǵan. Qyzyǵy, básirege berilgen maldy soımaǵan, satpaǵan. Onyń sebebi halyq túsinigindegi básireniń bala bolashaǵyna áseri týraly oıda jatyr.
Nanym boıynsha, balanyń bolashaǵy onyń básire taıymen tyǵyz baılanysty. Sondyqtan ondaı taıdy minbeıdi, jekpeıdi, soımaıdy, satpaıdy. Qaıta balamen birge bula etip ósiredi. О́ziniń ataýly malymen birge ósken bala erkin bolyp, kishkentaıynan mal qadirin bilip, sharýaǵa ıkemdeledi.
Salt-dástúr jınaqtarynda básire malǵa en salynyp, ıesi únemi qadaǵalap júretini baıandalady. Básire maldyń basyna túsken aýyrtpalyǵy (aýrýy, aqsaýy, taý-tastan qulaýy) arqyly balanyń ilgeride baqytty, baqytsyz bolaryn joramaldap yrym etken desedi.
«Egemen Qazaqstan» gazetiniń búgingi sanynda tilshimiz Jánibek Álıman básireniń mánine jan-jaqty úńiledi. Ony túsindirý jolynda Keldibek bıdi kidirip, Qazybek bı qyraǵy sheshim aıtqan tapqyr mysaldy «Básireniń máni nede?» maqalasynan tolyq oqı alasyz.