ASTANA. 23 qańtar. Qytaı Beıjiń men Máskeý aralyǵyna quny bir jarym trıllıon ıýan (242 mlrd. dollar) turatyn joǵary jyldamdyqty temir jol qurylysyn salady. Bul týraly Beıjiń qalalyq ákimshiliginiń Weibo mıkroblogy servısine joldaǵan aqparyna silteme jasaǵan Bloomberg agenttigi habarlady.
Tvıtterdiń qytaılyq varıantyna 21 qańtar kúni salynǵan maqalada bul temir joldyń Eýropa men Azııanyń arasyna sapar shegý men júk tasymalyn jeńildetetini atap kórsetilgen. Avtorlardyń aıtýlarynsha, Beıjińnen Qazaqstan arqyly Máskeýge deıin jetý úshin endi eki-aq kún kerek bolady.
Atalmysh temir jolynyń qurylysy týraly usynys Reseı ekonomıkasy munaıdyń baǵasy tómendeýinen túzelýge baǵyt ustap, AQSh pen Eýropa qaoym-qatynasynyń Ýkraınadaǵy daǵdarysqa baılanysty ýshyǵa bastaǵan kezinde aıtyldy. Sonymen birge, Qytaı álem rynogyna óz tehnologııasyn joǵary qarqyndy temir jol jelisi arqyly tezirek jetkizýge umtylyp otyr.
«Temir jol qurylysyna qatysty alǵashqy oı birinshi ret ótken jylǵy qarasha aıynda Reseı men Qytaı tabıǵı gaz jetkizip berý týraly kelisim tarıhyndaǵy eń úlken jobaǵa qol qoıǵan kezde aıtyldy. «Reseı temir joldary» memlekettik AAQ birinshi vıse-prezıdenti Aleksandr Mısharın 18 qarashada BAQ ókilderine bergen suhbatynda Reseı shekarasyna deıingi temir jol qurylysynyń smetalyq quny 60 mlrd. dollar turatynyn, bul joba júzege asa qalsa, Beıjińnen Máskeýge poıyzben jetýge burynǵy 5 kúnniń ornyna 30 saǵat ketetinin aıtqan edi.
On jylǵa sozylǵan kelissózden keıin «Gazprom» AAQ gaz sarapshysy Qytaımen araǵa quny 400 mlrd. dollar turatyn qubyr tartý jónindegi kelisimge qol qoıdy. Mısharın qarasha aıynda jańa kólik júıesin «aýqymynyń mańyzdylyǵy jaǵynan» Sýes kanalyna teń degendi jetkizdi.
Rýslan Igilik.
Derek, sýret: Bloomberg.