Elde jyldyq ınflıasııa shildede qarqyn alyp, 8,6% boldy. Jyldyq ınflıasııanyń ekpini 14 óńirde tirkeldi, 4 óńirde baıaýlasa, 2 óńirde ózgerissiz qaldy, dep habarlaıdy Egemen.kz.
Qazaqstanda shilde aıynda azyq-túlik taýarlarynyń baǵasy 5,5%-ǵa deıin jedeldedi (maýsymda – 5,4%). Osy toptaǵy taýarlar baǵasynyń maksımal ósimi Almaty qalasynda (8,1%), al az ósim Túrkistan oblysynda (3,0%) baıqalǵan.
Aıta keteıik, azyq-túlikke jatpaıtyn taýarlar baǵasynyń ósý qarqyny 7,3%-ǵa deıin baıaýlaǵan (maýsymda – 7,4%). Maksımal mán – Mańǵystaý oblysynda (13,6%), mınımal mán – Almaty oblysynda (5,1%) tirkelgen.
Sonymen qatar shildede aqyly kórsetiletin qyzmet baǵasy 14,5%-ǵa deıin jedeldegen (maýsymda – 13,8%). Sondaı-aq Pavlodar oblysynda (18,8%) baǵa jalpy respýblıkalyq deńgeıden birshama joǵary, Ulytaý oblysynda (10,2%) aıtarlyqtaı tómendegen.
Shildede el boıynsha aılyq ınflıasııa 0,7%-ǵa ósti, bul – tarıhı ortasha mánnen tómen (2017-2021 jyldardaǵy shildede – 0,3%).