Almatyda pedagogter «Geografııa sabaqtarynda daryndy balalarmen jumys isteýdiń bilim berý tehnologııalary» atty biliktilikti arttyrý kýrsyna qatysty.
Ustazdarǵa arnalǵan biliktilikti arttyrý kýrsy 5-16 tamyz aralyǵynda Almaty qalasynda ótti. Atalǵan dáris sabaqtary «О́rleý» BAUO» AQ fılıaly Almaty oblysy boıynsha KDI orta bilim berý júıesiniń pedagog qyzmetkerleriniń biliktiligin arttyrý kýrstarynyń josparyna sáıkes ótkizildi.
«Pedagogıka jáne pándik ádister» kafedrasynyń aǵa oqytýshysy Lázzat Dúngenbaıqyzynyń jetekshiligimen ótken dáristerde topografııa jáne kartografııa salasy, onyń ishinde geografııalyq zertteýlerde kartografııalyq ádisterdi qoldaný jáne keńistiktegi aqparattardy taldaýǵa arnalǵan statıstıkalyq derekterdi óńdeýdi úırendik. Qatysýshylarmen oqýshylardyń jan-jaqty daǵdylaryn damytýdyń zamanaýı nysandary men ádisterin qoldaný jáne engizý boıynsha tájirıbe almastyq. Oqýshylardyń fýnksıonaldyq saýattylyǵyn qalyptastyratyn sabaqty resimdeýde kezdesetin qıyndyqtar men problemalardy anyqtaý, bilim sapasyn arttyrý mindetterin oryndaýdy qamtamasyz etý úshin der kezinde sharalar qabyldaý, jobalyq is-áreketter arqyly oqýshylardyń boıynda qundylyq qasıetterdi damytýdyń jańa pedagogıkalyq ıdeıalary kórsetildi.
Geografııalyq aqparattyq júıelerdiń tıimdiligin úırenip, kompıýterlik óńdeý tehnologııalarymen tanystyq. Osy kýrstan alǵan bilimimizdi daryndy oqýshylardy daıyndaý úshin qoldanamyz.
Gúlnaz ADENOVA,
«D.A.Qonaev atyndaǵy №1 qazaq orta mektep»
memlekettik kommýnaldyq mekemesiniń geografııa pániniń muǵalimi