«Samuryq-Qazyna» AQ basqarma tóraǵasy Nurlan Jaqypov Atyraý oblysyndaǵy Qulsary qalasynda erekshe balalarǵa arnalǵan 150 oryndyq ońaltý ortalyǵyn ashty.
Jalpy, «Samuryq-Qazyna» ulttyq ál-aýqat qory qoǵamdaǵy ınklıýzııa máselelerin basty nazarda ustaıdy. Osy baǵytta qor korporatıvtik áleýmettik jaýapkershilik aıasynda halyqtyń suranysyna saı shalǵaıdaǵy óńirlerde áleýmettik jobalardy iske asyryp keledi.
Qor basshysy Qulsary qalasyndaǵy erekshe balalarǵa arnalǵan jańa ońaltý ortalyǵyn iske qosty. Saltanatty ashylý rásiminde Atyraý oblysy ákiminiń orynbasary Marat Mýrzıev qatysty.
– Bul áleýmettik nysan 150 orynǵa arnalǵan. Ortalyqta 3 jastan 6 jasqa deıingi erekshe balalar bilim alady. Qor korporatıvtik áleýmettik jaýapkershilik sheńberinde múmkindigi shekteýli adamdardyń qoǵamdyq ómirge tolyqqandy aralasýy úshin barlyq jaǵdaıdy jasaıdy. Biz bul baǵyttaǵy jumystardy jalǵastyra beremiz, – dep atap ótti qor basshysy.
Atalǵan ortalyq «Samuryq-Qazyna» AQ kompanııalary tobynyń atynan «Embimunaıgaz» AQ qarjylaı qoldaýymen salyndy.
Jalpy, elimizde «Samuryq-Qazyna» qorynyń qoldaýymen ashylǵan 42 ońaltý ortalyǵy jumys istep tur. Bul ortalyqtarda 40 myńnan asa bala ońaltýdan ótti.
Erekshe bala tárbıelep otyrǵan shalǵaıdaǵy ata-analar buryn qajetti kómek alý úshin oblys ortalyqtaryn aralaıtyn edi. Endigi zamanaýı ortalyqtardyń óz óńirlerinde ashylǵanyna sheksiz qýanyshty. Sebebi munda erekshe balalarmen kásibı mamandar – logoped, defektolog, psıholog, áleýmettik pedagog, olıgofrenopedagog, emdik deneshyqtyrý mamany men medbıke jumys isteıdi.
Sondaı-aq Nurlan Jaqypov Qulsary qalasynda salynatyn sport kesheniniń qurylys jumystaryn bastaýǵa ruqsat berdi.
– Bıylǵy kóktem elimizge asa aýyr tıdi. «Samuryq-Qazyna» sý tasqynynan zardap shekken óńirlerge 22 mlrd teńgeden asa qarajat bóldi. Buǵan qosa bizdiń sheteldik áriptesterimiz 2,5 mlrd teńgege kómek kórsetti. Jınalǵan qarajatqa úsh óńirde sport keshenderin salyp jatyrmyz. Bul óńirlerdiń biri – Qulsary. Qulsaryda biz bıyl sport kesheniniń qurylystaryn bastaımyz, – dedi Nurlan Jaqypov.
О́tken jyly qor 7,2 mlrd teńgege 46 áleýmettik jobany iske asyrdy. Jarty mıllıonnan asa azamatqa áleýmettik kómek kórsetildi.
Sonymen qatar Atyraý oblysynyń Qyzylqoǵa aýdanyna qarasty Mııaly aýylynda da erekshe jandarǵa arnalǵan ońaltý ortalyǵy ashyldy.
Saltanatty ashylý rásimine «Samruk-Kazyna Trust» bas dırektory Alfııa Adıeva, Qyzylqoǵa aýdanynyń ákimi Qanat Ázmuhanov, «Embimunaıgaz» AQ bas dırektorynyń geologııa jáne ken oryndaryn ıgerý jónindegi orynbasary Asqar Munara qatysty.
«Samruk-Kazyna Trust» bas dırektory Alfııa Adıeva rezıdentterdiń ortalyqqa qatynaýy úshin ınvataksılerdi tabystady.
Budan bylaı 100-den asa aýdan turǵyny keshendi ortalyqtyń kómegine júgine alady. Ortalyq zamanaýı ońaltý quraldarynyń 12 túrimen jabdyqtalǵan. Insýlt, ınfarkt, túrli jaraqat alǵan adamdardy qabyldaı alady. Sondaı-aq naqty ońaltý maqsattaryna qol jetkizýge baǵyttalǵan jeke ońaltý baǵdarlamalary júrgiziledi.
Mundaı ıgi is-sharalar óńirlerdiń damýyna úlken serpin beretini sózsiz. Ekinshiden, jastar arasynda salamatty ómir saltyn ustanýǵa jańa múmkindikter týǵyzady.
«Samruk-Kazyna Trust» KQ baspasóz ortalyǵy