Parıjde ótken jazǵy Olımpııa oıyndarynan oralǵan sportshylarǵa qurmet kórsetý jalǵasyn tapty. Jýyrda Almaty oblysynyń ákimi Marat Sultanǵazıev jeke quttyqtap, óńir kásipkerleri atynan baǵaly syılyqtar tabys etti. Olımpıadaǵa qatysýshylardyń jalpy júlde qory 24 mıllıon teńgeni, 4 páterdi qurady.
«Aımaq kásipkerleri halyqaralyq jarystarda týǵan óńiriniń namysyn qorǵap júrgen daryndy sportshylardy qoldaýǵa árqashan daıyn», degen oblys ákimi óńirdegi sportty damytýǵa úles qosqan «Elit Stroy Group» qurylys kompanııasynyń dırektorlar keńesiniń tóraǵasy Bekzat Sarmonov pen «Kaz Stroı Monolıt» kompanııasynyń kommersııalyq dırektory Álimjan Sársenbaevqa, «KazSMU» kompanııasyna erekshe alǵys bildirdi.
«Biz sizderdi maqtan tutamyz, sizderdiń medaldaryńyz – bul jaı ǵana sporttyq júldeler emes, olar – batyldyqtyń, qaısarlyqtyń, Otanǵa degen sheksiz súıispenshiliktiń naǵyz úlgisi. Buqaralyq sportty damytyp, chempıondarymyzdy qoldaý úshin aldaǵy baıraqty básekelerde de sportshylarymyzdyń jarqyn jeńisterge jetýine biz barlyq jaǵdaıdy jasaımyz», dedi M.Eleýsizuly.
Oblys basshysy óńirdiń barsha kásipkerleri atynan Olımpıadanyń kúmis júldegeri Demeý Jadyraevqa 10 mıllıon teńgeniń sertıfıkaty men 3 bólmeli páterdiń kiltin, sondaı-aq qola júldeger Nazym Qyzaıbaıǵa da bıznes qaýymdastyǵynyń syılyǵy 3 bólmeli páterdiń kilti men 2 mıllıon teńgeniń sertıfıkatyn tabystady.
Sportshylardyń jattyqtyrýshylary da marapatsyz qalmady. Jumaqan Turǵanbekov pen Boranbek Qońyratov óńirlik kásipkerlerden 2 mıllıon teńgeniń sertıfıkaty men 2 bólmeli páterdiń kiltin aldy. Sonymen qatar Parıj Olımpıadasynda óner kórsetken Edýard Eshenko (stend atý), Ásem Orynbaı (stend atý), Marııa Dmıtrıenko (stend atý) jáne Nıkıta Chırıýkın (atý) kásipkerler atynan 2 mıllıon teńgeniń sertıfıkatyn ıelendi.
Almaty oblysy