Batken oblysynda er adam jergilikti turǵynǵa oq atyp, kúdikti keıin óz-ózine qol jumsaǵan, dep habarlaıdy Egemen.kz 24.kg basylymyna silteme jasap.
Batken oblystyq IID baspasóz qyzmetiniń málimetinshe, 51 jastaǵy er adam men onyń áıeli Honda Jazz kóligimen is-sharadan qaıtyp kele jatqanda, olardy 55 jastaǵy tanysy toqtatqan.
Kúdikti 12 kalıbrli ańshy myltyǵymen er adamnyń keýde tusyna eki ret oq atyp, qylmys ornynan qashyp ketken. Keıinirek kúdikti Qara-Tash jaılaýynda júrgende sol myltyqpen óziniń keýde tusyna oq atyp, óz-ózine qol jumsaǵan.
Oqıǵa boıynsha Qyrǵyz Respýblıkasy Qylmystyq kodeksiniń 122-baby («Adam óltirý») boıynsha qylmystyq is qozǵalyp, sotqa deıingi tergeý amaldary júrgizilip jatyr.