Atyraý oblysy Aqjar aýyly mańynda Jaıyq ózenine batyp ketken jasóspirimniń denesi izdestirilip jatyr, dep jazady Egemen.kz.
Qaıǵyly jaǵdaı 21 tamyzdan 22 - sine qaraǵan túni bolǵan. Mamandarǵa habar saǵat 1: 40-ta berilgen.
Qutqarýshylar oqıǵa ornyna baryp, 2010 jyly týǵan balanyń ruqsat etilmegen aýmaqta sýǵa túskenin anyqtady.
«Atyraý qalasyna taıaý ornalasqan Aqjar aýylynyń tusynda 1 jasóspirimniń sýǵa batyp ketkeni týraly shaqyrtý tústi. Súńgýirler tańǵa deıin sý astynda izdestirý jumysyn júrgizdi», delingen Atyraý oblystyq Tótenshe jaǵdaılar departamentiniń habarlamasynda.
Izdeý - qutqarý jumystary búgin de jalǵasyp jatyr. Bul iske 16 qutqarýshy men 4 tehnıka, 4 júzýge arnalǵan qural jumyldyrylǵan.