О́zbekstan Ulttyq aqparat agenttigi jasandy ıntellekt negizinde Sobır Holdarov esimdi arnaıy robot-tilshini jasap shyǵardy, dep habarlaıdy Egemen.kz О́zA-ǵa silteme jasap.
Robot-tilshi resmı aqparat pen sońǵy jańalyqtardy toǵyz tilde, atap aıtqanda, ózbek, qazaq, aǵylshyn, orys, fransýz, arab, qytaı, nemis, ıspan tilderinde taratady.
Robot-tilshige Sobıra Holdarova degen esimniń berilýi kezdeısoq emes. Ol Ortalyq Azııa men О́zbekstandaǵy alǵashqy kásibı jýrnalıst áıel bolǵan. Jasandy ıntellekt negizinde robot-korrespondent jasaý úshin jýrnalıst Dıldora Abdýhalılovanyń prototıpi paıdalanylǵan.
Synaq rejıminde iske qosylǵan jasandy ıntellekt beıne materıaldardyń aýqymyn birtindep keńeıtýdi josparlaǵan.
Jasandy ıntellekt arqyly beınereportajdardy jasaý, árıne, úlken múmkindik, degenmen onyń ózindik táýekelderi de bar. О́ıtkeni, shabýyldaýshylar jalǵan jańalyqtarǵa negizdelgen beınelerdi jasap, agenttik atynan ınternette tarata alady. Sondyqtan О́zbekstan Ulttyq aqparat agenttiginiń atynan jalǵan vıdeolar taralsa, olardyń shynaıylyǵyn tekserýge bolatyndyǵy atap ótildi.
Ol úshin árbir vıdeoǵa arnaıy QR-kod qoıylyp, osy QR-kodtaǵy siltemeni belsendirý arqyly О́zA-nyń resmı saıtynda sol beıneniń mátinin oqýǵa bolady. Eger jasandy ıntellekt kómeginde jasalǵan taspada QR-kody bolmasa nemese silteme О́zA saıtyn kórsetpese, bul jalǵan beınetaspa ekenin bilýge bolady.