Oblys kóleminde ótkizilgen «Páter» jedel-profılaktıkalyq is-sharasy aıasynda buryn jasalǵan páter urlyqtarynyń 12 deregi ashylyp, tergeý amaldary júrgizilip jatyr, dep habarlaıdy Egemen.kz.
Qalalyq ishki ister basqarmasyna oblys ortalyǵy turǵyny urynyń úıine terezeden kirip, altyn buıymdaryn, qundyz tonyn jáne 300 myń teńge aqshasyn qoldy etkeni jóninde aryzdanypty. Aryz boıynsha júrgizilgen jedel jumystar nátıjesinde jedel ýákilder buryn sotty bolǵan 37 jastaǵy uryny ustap, kúdikti basqarmanyń ýaqytsha ustaý ızolıatoryna qamaldy.
Atalǵan derek boıynsha sotqa deıingi tergep-tekserý áreketteri bastaldy. Polıseıler páter urlyqtarynyń aldyn alý úshin úıge dabyl qurylǵysyn, beınebaqylaý júıesin, temir esik pen terezege temir tor ornatýǵa keńes beredi.