Dóńgelek óndirisin damytqan kásiporyn

Kompanııa myń jarym adamdy jumyspen qamtyp otyr. Onyń 598-i Semeıde eńbek etedi. Buǵan qosa qaldyqtardy qaıta óńdeý kesheninde 150 jumys ornyn qurý josparlanǵan. Mekeme basshylyǵynyń málimetinshe, «EIKOS» JShS qyzmetkerleriniń ortasha jalaqysy osy jyldyń birinshi toqsanynda 359 446 teńge boldy. Kompanııa satylatyn ónim kólemi boıynsha elimizde kóshbasshy orynǵa kóterildi. О́tken jyly kásiporyn 1,5 mln-nan astam dóńgelek satyp, otandyq naryqty qamtý kórsetkishin shamamen 20%-ǵa joǵarylatty.

Qyzmetkerleri­niń áleý­met­tik jaǵdaıyn jaqsar­tý­ǵa, bos ýaqyttaryn tıimdi ótkizý­ge jaǵdaı jasaǵan. Taýar­lar­dy túsirý-tıeý jumys­tary­men aı­na­lysatyn qyz­metker­lerdi te­gin tamaqpen qamta­masyz etedi. Sonymen qatar munda eń­bek­kerlerdiń sportpen shuǵyl­danýyna jaǵdaı jasaý da qaras­ty­rylǵan. Buǵan qosa jumys­shy­lardyń jan-jaqty medısına­lyq qyzmet alýy úshin arnaıy klınıkamen de kelisim jasalǵan.

Qazir elimiz boıynsha iri kásiporyndar áleýmettik az qamtylǵan otbasylarǵa kómek qolyn sozyp júr. Áriptesteri arasynda bıik bedelge ıe bolǵan «Eıkos» kompanııasy 2021 jyldan bastap qyzmetkerlerge, Ekinshi dúnıejúzilik soǵys ardagerlerine, jalǵyzbasty zeınetkerler men analarǵa, az qamtylǵan jáne kópbalaly otba­sylarǵa materıaldyq kómek kórsetip, shamamen 200 mln teń­gege qaıyrymdylyq jáne demeýshilik jasady.

Qazirgi ýaqytta kompanııa ónim kólemi boıynsha elimizde jetekshi orynǵa ıe. Sonymen qatar kásiporyn úzdik 50 iri jeke salyq tóleýshi qataryna kiredi. 2023 jyly shamamen 1,5 mln shına satylyp, bıýdjetke 9,5 mlrd teńgeden astam qarjy túsken.

Aldaǵy ýaqytta qoldanys­taǵy kásiporyn bazasynda daıyn ónim shyǵaratyn avtokólikterdi, qoldaný kezinde paıda bolatyn qaldyqtardy qaıta óńdeý keshenin salý jos­parlanyp otyr. Qaldyqtardy qaıtadan óńdeý barysynda qaýipsiz jabyndar, termoplastıka, sym jáne taǵy basqa turmysqa paıdaly jabydyq­tar­dy alýǵa múmkindik týady. Osy maqsat iske asqan jaǵ­daı­da kásiporynnyń ónim­diligi táýligine 50 tonnaǵa deıin ósýi yqtımal. Onyń ishinde táýligine 10 tonna shınany termııalyq óńdeýge jáne 40 tonnasyn mehanıkalyq óńdeýge jiberýdi oılastyryp jatyr.

«Termııalyq óńdeý nátıje­sinde daıyn ónim basqa óndi­ris­tik úderister úshin shıkizat bola alatyn otyn, tehnıkalyq kómir­tegi jáne joǵary legır­lengen bolattan turady. Meha­­nı­kalyq jaǵdaıda – avtoshınalar, júgirý joldary men oıyn alańdaryna arnalǵan jabyn­dar jasaýǵa jaramdy 4 fraksııadan turatyn úgindiler shyǵarylady. Joba­nyń jalpy quny 2,5 mlrd teńge dep kózdep otyrmyz», deıdi kásiporyn mamandary.

Jaqynda ǵana Semeıge kelgen saparynda Úkimet basshysy Oljas Bektenov atalǵan kásiporyn qyzmetkerlerimen kezdesip, el boıynsha 10 kompanııa qaldyqtardy jınaý jáne qaıta óńdeýdiń ózindik júıesin paıdalanatynyn aıtqan edi. Sonymen birge olardyń basym bóligi shınalardy ımporttaıtyn jáne qaıta óńdeıtin kásiporyndar ekenin de atap ótken. Úkimet basshysy bul bas­tamany qoldaıtynyn aıtyp, Ekologııa jáne tabıǵı resýrs­tar mınıstrligine múd­deli uıymdarmen birlesip, atalǵan máse­leni jan-jaqty qa­ras­ty­rý­dy tapsyrǵan bolatyn.

Úkimet basshysynyń qol­daýy­nan qýat alǵan «Eıkos» rezeńke tehnıkalyq buıym­dar shyǵarý jáne qaıta óńdeý kásipornynyń qyzmetkerleri óz jumystaryn qarqyndy atqa­ryp jatyr.

Abaı oblysy