Memleket basshysynyń tapsyrmasyna sáıkes Mádenıet jáne aqparat mınıstrligi ádebı salany damytýǵa jáne jas avtorlardy qoldaýǵa baǵyttalǵan birqatar jobany júzege asyryp jatyr. Sonyń biri – Almaty oblysynan bastaý alǵan jas aqyn-jazýshylarǵa arnalǵan ádebı týr.
Mınıstrlik janynan qurylǵan «Alqa» jastar klýbynyń músheleri Berdibek Soqpaqbaevtyń 100 jyldyǵyna oraı jazýshynyń aýyly Qostóbege baryp, qalamger oqyǵan tarıhı mekteppen tanysty.
Sonymen qatar muzbalaq aqyn Muqaǵalı Maqataevtyń týǵan jeri Qarasazǵa taban tirep, aqynnyń ómirinen syr shertetin ádebı-memorıaldy mýzeıge bardy.
Murajaıdyń úsh ekspozısııalyq zalynda aqynnyń 1200-den asa eksponaty, jumys ústeli men qoldanǵan zattary jáne qoljazbalary qoıylǵan. Sapar barysynda jas aqyndar jyr oqyp, ádebı kesh ótkizdi.
Ádebı is-shara aıasynda qatysýshylar Raıymbek batyr eskertkishine taǵzym etip, Kólsaı, Sharyn shatqalynda da boldy.
Ádebı týr Ilııas Jansúgirovtiń 130 jyldyǵyna oraı Jetisý oblysynda jalǵasady.