Memlekettik keńesshi Erlan Qarın Álkeı Marǵulan atyndaǵy Arheologııa ınstıtýtynda «Qazaqstan tarıhy: ejelgi dáýirden búginge deıin» atty jańa akademııalyq basylymnyń redaksııalyq alqa jetekshilerimen jáne múshelerimen kezdesti.
Jıynda Memlekettik keńesshige Ǵylym jáne joǵary bilim vıse-mınıstri Darhan Ahmed-Zakı jáne tomdardyń jetekshileri men redaktorlary – Á.Marǵulan atyndaǵy Arheologııa ınstıtýtynyń dırektory Aqan Ońǵar, Sh.Ýálıhanov atyndaǵy Tarıh jáne etnologııa ınstıtýtynyń bas ǵylymı qyzmetkeri Bolat Kómekov, Joshy Ulysyn zertteý ınstıtýtynyń dırektory Jaqsylyq Sábıtov, R.Súleımenov atyndaǵy Shyǵystaný ınstıtýty janyndaǵy Tarıhı materıaldardy zertteý respýblıkalyq aqparattyq ortalyǵynyń dırektory Merýert Ábýseıitova, Sh.Ýálıhanov atyndaǵy Tarıh jáne etnologııa ınstıtýtynyń bas dırektory Zııabek Qabyldınov, Sh.Ýálıhanov atyndaǵy Tarıh jáne etnologııa ınstıtýty bas dırektorynyń orynbasary Shamek Tileýbaev, Memleket tarıhy ınstıtýty dırektorynyń orynbasary Búrkitbaı Aıaǵan ǵylymı basylymnyń daıyndalý barysy týraly baıandady.
Talqylaýǵa Mádenıet jáne aqparat mınıstrliginiń, sondaı-aq respýblıkalyq jáne aımaqtyq arhıvter men mýzeılerdiń ókilderi qatysty.
Kezdesý barysynda Erlan Qarın kóptomdyqtyń mazmunyn respýblıkalyq jáne ólketaný mýzeılerinen alynǵan sapaly ǵylymı kórneki materıaldarmen, tarıhı kartalarmen, arhıv qujattarynyń fotokóshirmelerimen jáne basqa da qujattarmen tolyqtyrý qajet ekenin aıtty.
Jıyn sońynda Memlekettik keńesshi barlyq mektep jáne ýnıversıtet baǵdarlamalaryna, oqýlyqtar men oqý quraldaryna arqaý bolatyn Qazaqstan tarıhy akademııalyq basylymynyń mańyzyn erekshe atap ótti.