О́ńir polısııasynyń málimetinshe, Hyundai Sonata, Chevrolet Cobalt, Hyundai Elantra jáne Lada 2172 avtokólikteriniń 19 jastaǵy tórt júrgizýshisi jol boıynda bılep, chellendj ótkizbek bolǵan.
- Bul áreket úlken qoǵamdyq narazylyq týdyryp, polısııanyń nazaryn aýdardy. Jastar Semeı qalasynyń polısııa basqarmasyna shaqyrylyp, olarmen áńgime júrgizildi. Áńgime barysynda polıseıler joldarda túrli chellendjder ótkizý sııaqty is-áreketterdiń qaýiptiligine basa nazar aýdardy. Olar jastarǵa mundaı áreketterdiń aýyr zardaptarǵa, sonyń ishinde apattar men jaraqattarǵa ákelýi múmkin ekenin túsindirdi, - dep jazylǵan polısııa habarlamasynda.
Sonymen qatar polısııa tórt júrgizýshini jol qozǵalysy erejelerin oryndamaǵany, sondaı-aq saǵat 22.00-den tańǵy 9.00-ge deıin tynyshtyqty buzǵany úshin eki bap boıynsha ákimshilik jaýapkershilikke tartty.