24 tamyzda Almaty qalasyndaǵy Halyqaralyq bilim berý korporasııasynyń stýdentterine arnalǵan «Dorm 32» jańa jataqhanasynyń saltanatty ashylýy ótti. Oǵan Ǵylym jáne joǵary bilim mınıstri Saıasat Nurbek, Almaty qalasynyń ákimi orynbasary Azamat Qaldybekov, «Qarjy ortalyǵy» AQ ókildiginiń dırektory Ulan О́tebaev jáne jobalyq keńseniń basshysy Damır Kýtýmov qatysty, dep habarlaıdy Egemen.kz.
Jańa stýdenttik úı memlekettik tapsyrys sheńberinde jataqhananyń burynǵy ǵımaratyn rekonstrýksııalaý jolymen «MAER TREID» JShS qurylys salýshy-ınvestor turǵyzdy.
«400 orynǵa arnalǵan zamanaýı jataqhanada jaıly ómir súrýge, oqýǵa jáne bos ýaqytty belsendi ótkizýge barlyq jaǵdaı jasalǵan. Stýdentter úshin eki, tórt jáne alty oryndyq bólmeler bar. Ár qabatta as úı, dýsh, kir jýatyn bólmeler, sonymen qatar maýsymdyq paıdalanýǵa arnalǵan qoımalar jasalǵan. Fıtnes zaly, maket jáne oqý bólmesi tolyq jabdyqtalǵan», delingen Ǵylym jáne joǵary bilim mınıstrligi taratqan habarlamada.
Jataqhana aýmaǵy kúzetilip, táýlik boıy jumys isteıtin beınebaqylaýlar ornatylǵan. Stýdentter úıi jańa oqý jylynda bilim alýshylardy qabyldaýǵa daıyn.