Astanada qoǵamdyq kólikte mektep oqýshylary men jeńildigi bar azamattarǵa arnalǵan vırtýaldy tarıfter engiziledi, dep habarlaıdy Egemen.kz CTS-ke silteme jasap habarlaıdy.
2024 jyldyń 26 tamyzynan bastap oqýshylar men jeńildigi bar azamattar vırtýaldy tarıfterdi úıden shyqpaı óz smartfondarynan rásimdep, paıdalana alady. Ony rásimdeý onlaın júzege asyrylady.
«Vırtýaldy tarıfterdi engizý jolaýshylardyń qoǵamdyq kólikti paıdalaný yńǵaılylyǵyn arttyrýǵa baǵyttalǵan, saparlar tarıhyn tikeleı «Avtobys» qoldanbasynda baqylaý múmkindigi bar. Endi smartfondy paıdalanýdyń arqasynda kólikte valıdasııa jasaý ońaı bolady. Valıdasııa «Avtobys» mobıldi qosymshasymen QR-kodty skanerleý, Bluetooth nemese kólik quralynyń nómirin engizý arqyly júzege asyrylady, bul rette ınternet baılanysy qajet, biraq teńgerimniń bolýy qajet emes», delingen habarlamada.
Vırtýaldy tarıfti rásimdeýge ótinim berý úshin:
«Avtobys» qosymshasyn App Store nemese Google Play dúkeninen smartfonǵa júkteý; Jeńildik alýshynyń telefon nómirin paıdalanyp, qosymshaǵa tirkelý; Transcard.kz saıtynda «Vırtýaldy tarıf» bóliminde ótinish berip, barlyq aqparatty toltyryp, qujattardy tirkeý qajet: 3h4 – túrli-tústi foto, týý týraly kýálik jáne oqý ornynan anyqtama nemese bilim týraly málimetter, jeńildikti rastaıtyn qujat.О́tinish maquldanǵannan keıin vırtýaldy tarıf «Avtobys» qosymshańyzda paıda bolady jáne qoldanýǵa daıyndyǵyn bildiredi. Aıta keteıik, vırtýaldy tarıf 1-3 jumys kúni ishinde iske qosylady (poshtaǵa habarlandyrý keledi).Bul rette mynany bilý qajet:1. Aldymen Avtobys qosymshasynda tirkelý qajet;2. Qaýipsizdik maqsatynda vırtýaldy tarıf paıdalanýshynyń qurylǵysyna baılanysty bolady. Qurylǵy nemese telefon nómiri ózgergen jaǵdaıda R. Qoshqarbaev dańǵyly, 50/1 mekenjaıy boıynsha CTS mamandandyrylǵan kassasyna habarlasý qajet;3. Kóliktik karta vırtýaldy kartamen qatar júredi. Paıdalanýshy óz tańdaýy boıynsha vırtýaldy kartany nemese jeńildigi bar kartasyn paıdalana alady.