Qazaqstanda AEK mólsheri 3932 teńgege deıin ósedi dep josparlanǵan. Bul týraly qujat Ashyq NQA portalynda jarııalandy, dep habarlaıdy Egemen.kz.
Qarjy mınıstrligi Ashyq NQA portalynda 2025-2027 jyldarǵa arnalǵan respýblıkalyq bıýdjet jobasyn jarııalady.
Qujatqa sáıkes, 2025 jylǵy 1 qańtardan bastap AEK mólsheri 3 932 teńgege deıin ósedi dep josparlanǵan. Qazir ol - 3692 teńge.
Eń tómengi jalaqy mólsheri ózgermeıdi, 85 000 teńge bolyp qalady, al memlekettik bazalyq zeınetaqy tóleminiń eń tómengi mólsheri 28 215 teńgeden 32 360 teńgege deıin ósedi. Elimizde eń tómengi zeınetaqy mólsheri 57 853 teńgeniń ornyna 62 771 teńge bolmaq.
Bazalyq áleýmettik tólemderdiń mólsherin esepteý úshin ómir súrý shekti soma 46 228 teńgege deıin óspek, qazir bul kórsetkish - 43 407 teńge.
Qujat 31 tamyzǵa deıin qoǵamdyq talqylaýda bolady.