Ǵylym jáne joǵary bilim mınıstrligi Qytaıdyń joǵary oqý oryndarynda grant negizinde oqý múmkindigine ıe bolǵan el azamattarynyń tizimi anyqtalǵanyn habarlady, dep jazady Egemen.kz.
2024-2025 akademııalyq oqý jylyna arnalǵan úkimetaralyq granttar sheńberinde Qytaıdyń jetekshi joǵary oqý oryndarynda oqýǵa arnalǵan bilim alýshylardyń sońǵy tizimi jarııalandy.
151 úmitkerge stıpendııa taǵaıyndaý týraly sheshimdi Qytaı Halyq Respýblıkasy qabyldady.
Grant akademııalyq oqý, jataqhanada turý, medısınalyq saqtandyrý shyǵyndaryn óteıdi, sonymen qatar stýdentterge aı saıyn stıpendııa tólenedi. Oqý aǵylshyn nemese qytaı tilinde ótedi.
Usynylǵan úmitkerler tizimimen «Halyqaralyq baǵdarlamalar ortalyǵy» AQ bolashak.gov.kz saıtynda tanysýǵa bolady.
«Eger siz oqýǵa arnalǵan stıpendıattar tiziminde bolsańyz, onda 60 kúntizbelik kún ishinde oqýǵa shart jasasý úshin «Halyqaralyq baǵdarlamalar ortalyǵy» AQ-ǵa júginýińiz qajet. Shart jasasý boıynsha egjeı-tegjeıli keńes alý úshin normatıvtik quqyqtyq jáne sharttyq qamtamasyz etý basqarmasyna 8-7172-76 90 79 (ishki.170,181) habarlasa alasyz», delingen mınıstrlik habarlamasynda.