Senator Nurtóre Júsip Soltústik Qazaqstan oblysy Jambyl aýdany Jańajol aýylynyń turǵyndarymen kezdesti.
Kezdesý barysynda depýtat eldi damytýǵa, halyqtyń ál-aýqatyn arttyrýǵa, turǵyn úı jaǵdaılaryn jaqsartýǵa, medısınalyq qyzmetterdiń sapasyn baqylaýǵa jáne shalǵaıdaǵy aýyl turǵyndarynyń ınternetke qoljetimdiligin qamtamasyz etýge arnalǵan memlekettik reformalar men Parlament qabyldaǵan zańdardyń mańyzy týraly aıtty.
Turǵyndar qolaıly jaǵdaıdyń bolmaýyna jáne aýdan ortalyǵyna baratyn joldyń nasharlyǵyna baılanysty aýyldan kóshetinderdiń qatary azaımaı otyrǵanyna nazar aýdardy. Olar atalǵan máselelerdi sheshý úshin shekaralas aımaqtardy damytý baǵdarlamasyn ázirleýdi usyndy. Sondaı-aq jergilikti halyq «Aýyl amanaty» baǵdarlamasynyń qarajaty aıtarlyqtaı qysqarǵanyna alańdaýshylyq bildirdi. Depýtat aıtylǵan barlyq problema tıisti memlekettik organdarǵa joldanatynyn, bul túıtkilder senatorlardyń erekshe baqylaýyna alynatynyn atap ótti.
Sonymen qatar Nurtóre Júsip aýdan ákimimen kezdesip, jergilikti turǵyndardyń áleýmettik-ekonomıkalyq jaǵdaıyn jaqsartý jáne ómir súrý sapasyn arttyrý sharalaryn talqylady.
«Prezıdent Qasym-Jomart Toqaev elimizdegi barlyq aýqymdy ózgeris adamǵa jáne onyń jasampazdyq áleýetin ashýǵa baǵyttalǵanyn naqty atap ótti. Sondyqtan árbir memlekettik qyzmetshi azamattarymyz jaqsy jaǵdaıda ómir súrýi úshin bar kúsh-jigerin jumsaýǵa tıis. Jaqsy jaǵdaı degenimiz – sapaly medısına men bilim, áleýmettik kepildikter, eńbekti laıyqty baǵalaý, ınternetke qoljetimdilik, talapqa saı jol jáne taza aýyzsýmen qamtamasyz etý», dedi Nurtóre Júsip.