Elordada jumys pen tapsyrystar izdeýge arnalǵan JUMYSTAP.kz jańa servıstik platforma iske qosyldy, dep habarlaıdy Egemen.kz Astana ákimdiginiń resmı saıtyna silteme jasap.
JUMYSTAP.kz platformasynyń basty mindeti – elordadaǵy kadrlyq tapshylyq pen jumyssyzdyq máselesin jedel sheshý. Jumys berýshiler ózderiniń jarnamalaryn ońaı jarııalaý úshin platformany paıdalana alady. Munda úmitkerlerge qoıylatyn talaptardy egjeı-tegjeıli sıpattap jazyp, osy bos jumys oryndaryn úmitkerlerdiń keń alańyna bólisýge bolady. Bıznes ókilderi men jeke tulǵalar turaqty jumys ornyna qyzmetkerdi ǵana emes, sonymen qatar kólemdi tapsyrystardy oryndaý úshin oryndaýshylardy da taba alady. Alań 1000-nan astam sıfrlyq mamandardy qamtıtyn jalǵyz servıs bolyp sanalady.
5 tamyz kúni Astana ákimi Jeńis Qasymbektiń joba túlekterimen kezdesýinde platformanyń jumysy bastaldy.
JUMYSTAP.kz-te JOLTAP jobasynyń 15 daǵdy boıynsha, ıaǵnı 7 sıfrlyq (SMM, saıttardy ázirleý, beınemontaj, grafıkalyq dızaın, mobılografııa, marketpleısterdegi saýda, target) jáne 8 jumysshy (tiginshi, sánger-konstrýktor, býhgalterlik esep negizderi, korpýstyq jıhaz jasaý negizderi, satýshy-kassır, elektr gazben dánekerleýshi, barısta, aıaq kıim jóndeý) daǵdylary boıynsha 5 myńnan astam túlegi usynyldy.
Sıfrlyq mamandyqtar boıynsha tapsyrystar men jumystardy izdeý geografııasy eshnársemen shektelmeıdi, joba túlekteri tapsyrystardy tek Astanada ǵana emes, búkil Qazaqstan men TMD aýmaǵynda qabyldaı alady. О́z kezeginde jumysshy mamandyqtarynyń túlekteri kólemdi jumystardy birlesip oryndaý úshin toptarǵa birige alady.
Platformany jumys berýshiler de, jumys izdeýshiler de komıssııalar men deldaldarsyz ári aqysyz paıdalana alady. Habarlandyrýlar men izdenýshiler pýly boıynsha yńǵaıly súzý qarastyrylǵan. Whatsapp messendjeri arqyly jumys berýshiler/tapsyrys berýshiler men ótinish berýshiler/tapsyrys berýshiler arasynda tikeleı baılanys qamtamasyz etilgen.
Platformanyń demeýshileri – «Asyl Qala» qurylys materıaldary zaýyty jáne «Astananyń turaq oryndary» JShS.
Platforma týraly barlyq suraq boıynsha «JOLTAP» jobasynyń sall-ortalyǵyna (+7 707 221 31 31) habarlasýǵa bolady.