Jas geograftar júldesi

Qazir álemde halyq­ara­lyq deńgeıdegi bedeldi jeti olımpıada bar. Olar matematıka, fızıka, hımııa, ınformatıka, geografııa, lıngvıs­tıka, bıologııa pánderinen dástúrli túrde ótedi. Sonyń biri – halyqaralyq geografııa olımpıadasy jyl saıyn joǵary synyp oqýshylary ara­synda uıymdastyrylady.

«IGeO alǵash ret 1996 jyly Halyqaralyq geografııa­lyq odaq­tyń (IGU) qoldaýy­men Nı­der­land memleketiniń Gaaga qalasynda ótken edi. Al Qa­zaq­stan qurama komandasy atal­ǵan saıysqa 2012 jyldan beri qatysyp keledi. Bıyl tórt oqý­shymyz tamyz aıynda Reseıdiń Tver oblysyndaǵy oqý-jattyǵý jıyndarynan ótti. Nátıjesinde, tórteýi de elge oljaly oraldy. Jarys úsh kezeńnen turdy. Jaz­basha kezeńde alty tapsyrma be­riledi, al onyń nátıjesi jalpy saıystyń qyryq paıyzyn quraıdy. Al ekinshi, dalalyq kezeńde oqýshylar aqparatty óńdep, taldap, jospar qu­rady. Sońǵy kezeń mýltıme­dııa dep atalady. Munda qa­ty­sýshylar 40 suraqqa 60 mınýt kóleminde jaýap berý­leri tıis», deıdi «Daryn» res­pýb­lıkalyq ǵylymı-prak­tıka­lyq ortalyǵy dırek­torynyń ­orynbasary Nurlan Jumageldi.

Bıyl úzdik nátıje kórset­ken Qazaqstan komandasynyń quramynda Taldyqorǵan qala­syndaǵy fızıka-matematıka baǵytyndaǵy Nazarbaev zııat­kerlik mektebiniń 11-synyp oqý­shysy Aqjol Bolat, Jambyl ob­lysyndaǵy daryndy balalarǵa arnalǵan mamandandyrylǵan «Daryn» lıseı-ınternatynyń 11-synyp oqýshysy Jomart Sabyr, Shymkent qalasyndaǵy hımııa-bıologııa baǵytyndaǵy Nazarbaev zııatkerlik mek­te­bi­niń 11-synyp oqýshysy Arsen Sydyqov, Shymkent qalasyndaǵy hımııa-bıologııa baǵytyndaǵy Nazar­baev zııatkerlik mektebi­niń 11-synyp oqýshysy Qanat Serikbaı bar.

«Bıylǵy bilim básekesine 50 memlekettiń 200-ge jýyq oqý­­shysy qatysty. Solar­dyń ara­­sy­nan top jarý, árıne ­ońaı emes. Daıyndyǵyńa saı ná­tı­je kór­setesiń. О́z basym ­bes jyl tynbaı ter tóktim. Mine, búgin sol eń­bektiń jemisin kórip otyrmyz. Álbette bul – ǵylymdaǵy jo­lym­nyń bas­taýy ǵana. Osy jyly kúmisti qanaǵat tuttyq, bu­ıyrsa keler jyly altynnan alqa taq­sam degen maqsatym bar. Osy oraıda geografııaǵa qyzy­ǵý­shylyǵymdy arttyryp, durys baǵyt-baǵdar bergen je­tekshim Naǵıma Beketqyzyna alǵys aıtqym keledi», deıdi Nazarbaev zııatkerlik mekte­biniń 11-synyp oqýshysy Aqjol Bolat.