Iаmaıkanyń Folmýt qalasynda 16 jastaǵy jasóspirim úlken aq akýlanyń qurbany bolǵan. Jergilikti turǵyndardyń aıtýynsha, jyrtqysh jigittiń basyn tistep alyp, denesin qatty zaqymdaǵan, dep habarlaıdy Egemen.kz Jamaica Observer saıtyna silteme jasap.
Qaıtys bolǵan jas jigittiń ákesiniń aıtýynsha, uly ata-anasynyń qarsylyǵyna qaramastan, dúısenbi kúni sý astynda balyq aýlaýǵa barǵan. Kelesi kúni jergilikti balyqshylar men súńgýirler jigitti izdeýge shyqqan. Olar jasóspirimniń basy kesilgen, sol qoly joq máıitin tapqan.
Jasóspirimdi izdeýge shyqqan balyqshylardyń biri jaqyn jerden akýlany baıqap, ony óltirmek bolǵan. Jergilikti turǵyndar akýlalar krýızdik kemelerdiń sońynan Folmýt sýlaryna túsip, adamdardy aýlaý úshin qalatynyn aıtqan. Sonymen qatar olar sońǵy jyldary jyrtqyshtardyń adamdarǵa shabýyly aıtarlyqtaı óskenin atap ótken.