«Amanat» AES qurylysyn qoldaıdy

Májilis spıkeri, «Amanat» partııasynyń tóraǵasy Erlan Qoshanov fraksııanyń keńeıtilgen otyrysyn ashyp, jıyn­ǵa qatysýshylardy Konstıtýsııa kúni merekesi­men quttyqtady. Ol Memle­ket basshysy jyl saıynǵy Joldaýlarynda halyqtyń ál-aýqatyn arttyrýǵa, eldi damytýǵa baǵyttalǵan aýqymdy mindetter qoıatynyn atap ótti.

– Prezıdent Joldaý­laryn­daǵy, Saılaýaldy baǵdar­lama­syndaǵy tapsyrmalardy sapaly oryndaý – barshamyzdyń basty mindetimiz. Qazirdiń ózinde Memleket basshysynyń barlyq Joldaýy, bergen ýáde­leri tolyq oryndalyp jatyr dep senimmen aıta ala­myz. Olar ár azamattyń, ár otbasynyń, ár qalanyń, ár aýyldyń negizgi máselelerin sheshýge baǵyttalǵan. Sondyq­tan aldaǵy ýaqytta da osy qar­qyndy báseńdetpeýimiz kerek. Parlament, Úkimet, jergilikti atqarýshy organdar men aza­mattyq qoǵam úılesimdi ári tııanaqty jumys isteýge tıis, – dedi Erlan Qoshanov.

Premer-mınıstr Oljas Bek­tenov Prezıdent­tiń Joldaýlary men Saılaýaldy baǵdar­lama­syn iske asyrý jónindegi Úkimettiń jumy­sy týraly aıtty.

– Memleket basshysy aı­qyn­­dap bergen maqsat – 2029 jylǵa qaraı ulttyq eko­no­mıka kólemin 450 mlrd dol­larǵa deıin jetkizý. Bul – bizdiń strategııalyq baǵ­darymyz. Ekonomıka qury­lymyn tú­be­geıli ózgertý baǵy­tynda belsendi sharalar qabyldanyp keledi. Qaıta óńdeý ónerkásibi, mashına jasaý, aqparattyq tehnologııalar jáne basqa da zamanaýı, joǵary tehnologııa­lyq jáne ınnovasııalyq salalar elimizdiń jańa ekonomı­kasynyń irgetasy bolýǵa tıis, – dedi Oljas Bektenov.

Premer-mınıstr Úki­met­tiń otandyq taýar óndirý­shi­lerin qoldaý boıynsha aýqymdy jumys júrgizip jat­qanyn atap ótti. Inves­tısııa kólemi 15 trln teńgeden asatyn 17 iri joba júzege asyrylyp keledi. Bul 26 myń jumys ornyn qurýǵa jáne ımportqa táýeldilikti 1,5 trln teńgege tómendetýge múmkindik beredi. Sonymen qatar memlekettik satyp alý aıasynda otandyq kásiporyndarmen jasalǵan kelisimsharttardyń sany 1,4 esege artty, al olardyń jalpy somasy 40%-ǵa ósti.

Sondaı-aq Úkimet basshysy eldiń agroónerkásiptik keshenin qoldaýǵa baǵyttal­ǵan zamanaýı agrotehnologııalardy damytýǵa, aýyl sharýashylyǵyn ártarap­tandyrýǵa arnalǵan sharalar týraly aıtyp berdi.

– Bıyl egis naýqanyn qar­jylyq jáne materıaldyq-tehnıkalyq qamtamasyz etý máseleleri negizinen sheshildi. Kóktemgi dala ju­mystaryn jáne egin jınaý naýqanyn qarjylandyrý somasy 4 esege, 580 mlrd teńgege deıin ul­ǵaıtyldy. Bul – keıingi jyldar ishindegi eń aýqymdy qarjylandyrý kólemi. «Aýyl amanaty» jobasy boıynsha aýqymdy jumys júrgizilip jatyr. Keıingi eki jylda aýyl turǵyndaryna 100 mlrd teńgeden astam somaǵa shaǵyn nesıeler berildi. Nátıjesinde, 20 myńǵa jýyq azamat óz kásibin ashty, – dedi Premer-mınıstr Oljas Bektenov.

Oljas Bektenov Úkimet áleýmettik máselelerdi sheshýge erekshe nazar aýdaryp otyrǵanyn, sondyqtan memleket bıýdjetiniń jartysynan kóbi áleýmettik salaǵa baǵyttalǵanyn atap ótti.

– Máselen, kolledj stý­dent­­terine stıpendııa mól­sheri – 50, bakalavrıatqa – 20, magıstratýra men dokto­rantýraǵa 15 paıyzǵa artty. 1 qyrkúıekten bastap 445 myń stýdenttiń stıpendııasy ósedi. Sonymen qatar zııandy eńbek jaǵdaılarynda jumys isteıtin qyzmetkerler úshin áleýmettik tólem engizildi. Búginde 1,7 mlrd teńge kóle­minde atalǵan tólemdi 9 myń­nan astam jumysshy aldy, – dep túsindirdi ol.

Premer-mınıstr son­daı-aq jumysqa ornalas­tyrý, mıkrokredıt berý, sýbsıdııalaý, medısınalyq saqtandyrý júıe­sine tartý arqyly ómir­diń qıyn jaǵdaıyna tap bol­ǵan otbasylar sanyn qysqar­tý tetigi týraly aıtyp berdi.

Fraksııa depýtattarymen baıandamany talqylaý qory­tyn­dysy boıynsha Máji­lis tóraǵasy Erlan Qosha­nov álemdegi kúrdeli geosaıa­sı ahýalǵa jáne eldegi tabı­ǵı apattarǵa qaramastan, mem­le­kettiń negizgi áleýmettik mindet­temeleri tolyq oryndalyp jatqanyn aıtty. Sonymen qatar ol halyqty alańdatyp, Úkimet tarapynan basa nazar aýdarylýyn talap etetin birqatar máselege toqtaldy. Bul – kóktemgi sý tasqynynyń saldaryn joıý, baǵanyń ósýi, jumyssyzdyq, jylý berý maýsymyna daıyn­dyq, mektepter men aýrý­hanalar jetispeýshiligi. Sonymen qatar Májilis spıkeri elimiz­diń bolashaǵy úshin atom elektr stan­sasyn salýdyń strate­gııa­lyq mańyzyn erekshe atap ótti.

– Qazirgi ýaqyttaǵy qyzý tal­qylanyp jatqan eń ózek­ti másele – Atom elektr stan­sasyn salý. «Amanat» frak­sııa­synyń depýtattary Mem­leket basshysynyń referendým ótkizý týraly ıdeıasyn tolyq qoldaıdy. Partııa osy naýqandy Úkimetpen birlesip, joǵary deńgeıde ótkizýge atsalysýǵa, keń aýqymda aqpa­rat­tyq-túsindirý jumysyn uıymdastyrýǵa daıyn. Eli­mizdegi barlyq saıası partııalar, úkimettik emes uıymdar bizben birge Prezıdenttiń osy progressıvti bastamasyn iske asyrýǵa jumylady dep senemiz, – dedi Erlan Qoshanov.

Otyrysty qorytyndy­laı kele, Májilis spıkeri Premer-mınıstr Oljas Bek­tenovke, Úkimettiń barlyq múshesine birlesken jemisti jumysy úshin alǵysyn bil­dirdi. Bul rette, ol fraksııa Premer-mınıstr laýazymyna qatarynan ekinshi ret kandıdatýra usynyp otyrǵanyn, al Májilis komıtetteri mınıstrler kabınetiniń árbir múshesiniń kandıdatýrasyn kelisetinin aıtty. Sondyqtan depýtattar men Úkimet Mem­leket basshysynyń barlyq tapsyrmasynyń oryndalýy boıynsha halyq aldynda da, Prezıdent aldynda da jaýapkershiligi ortaq. Májilis tóraǵasy dál osy tásil Qasym-Jomart Toqaev jarııalaǵan «Kúshti Prezıdent – yqpaldy Parlament – esep beretin Úkimet» qaǵıdatyn júzege asyrýǵa múmkindik beretinin atap ótti.