Elimizdegi erekshe mereke

Sot júıesi úshin Kons­tı­tý­sııa kúni erekshe mańyz­dy. Sebe­bi sýdıa­lar kons­tıtýsııalyq qun­dy­lyq­tardy, azamattardyń quqyq­­tary men zańdy múddelerin qor­ǵaýdy iske asyrady. Qazirgi tańda Ádiletti Qazaqstan qu­rý úshin zań­nyń ústemdigin, ádilettilik qaǵıda­tyn qamta­masyz etý basty mindet jáne solaı bolyp qala beredi.

Memleket basshysy Qasym-Jomart Toqaevtyń bastamasymen sot júıesin reformalaý jáne sıfrlandyrý boıynsha birqatar zańnamalyq ári praktıkalyq shara qabyl­danyp jatyr.

Joǵarǵy sot basshylyǵymen ákimshilik ádilet salasyn, ıývenaldy sottardyń sottylyǵyn keńeı­tý, kassasııalyq saty­daǵy sot­ty óz aldyna derbes shy­ǵarý, aza­mattardyń sot tóre­ligi­ne qol jetkizýin jeńildetý jáne sýdıa­larǵa júktemeni teńestirý úshin qalalardaǵy birinshi satydaǵy sottardyń biriktirip, bolashaq sýdıa­lardy daıarlaý baǵyty boıyn­sha da naqty qadamdar jasalyp jatyr. Osy jáne basqa da jańa­shyl­dyq­tyń barlyǵy sot júıe­siniń basty mindetin sheshý, ıaǵnı sot tóreligin júzege asyrýdyń joǵary sapasyn qamtamasyz etý bolmaq.

Bıyl qazan aıynda Mem­leket basshysynyń qatysýymen Qazaqstan sýdıalarynyń IX se­ziniń ótýi josparlanyp otyr. Atalǵan kezdesýde keıin­gi tórt jylda atqarylǵan ju­mystyń esebi tyńdalyp, sot júıesiniń aldyna qoıylatyn maqsattar aıqyndalady.

Sot salasynda qyzmet jasap, Sot tóreligi akademııasyn támam­dap, Joǵarǵy sottyń jáne Joǵary sot keńesiniń jas mamandardy qol­daýymen, Prezıdenttiń senim bil­dirýimen alǵash ret Astana qala­sy boıynsha eń jas sýdıa bolyp taǵaıyn­daldym. Sondyqtan bıylǵy Kons­tıtýsııa kúni merekesiniń meniń ómirimde alatyn orny erekshe.

Otandyq sot júıesiniń aldynda keleli maqsattar tur. Bul – sotqa degen kópshiliktiń senimin arttyrý. Osy oraıda otandastarymyzdy aıtýly merekemen quttyqtaı otyryp, zań ústemdigin júzege asyrýdaǵy qyzmette tabys tileımin.

Rahymjan DÚISENBAI,

Astana qalasy mamandandyrylǵan aýdanaralyq tergeý sotynyń sýdıasy