Jýyrda Shymkenttegi «Dostyq úıinde» qalalyq Qazaqstan halqy Assambleıasynyń uıytqy bolýymen respýblıkalyq «Mektepke jol» qaıyrymdylyq aksııasy ótip, sonyń aıasynda áleýmettik turǵydan az qamtylǵan jáne kópbalaly otbasynan shyqqan 200-den asa jetkinshekke mektepke qajetti oqý quraly berildi.
Shymkent qalasy QHA tóraǵasynyń orynbasary, qalalyq ózbek etnomádenı birlestiginiń tóraǵasy Tahırbek Nıshanbaev Bilim kúni qarsańynda atalǵan aksııanyń ótip otyrǵanynyń mańyzy zor ekenin aıtty.
«Shyny kerek, «úıdegi kóńildi bazardaǵy naryq buzady» demekshi, qazir mektepke qajet oqý quraldaryn satyp alý – jaǵdaıy orta otbasylardyń ózine qymbatqa túsip otyr. Onyń ústine dál oqý bastalarda barlyq ata-ana balasyn mektepke daıyndap, bazar degen qazandaı qaınap jatyr. Sondaı kezde naryq zańdylyǵyna saı, suranys artyp, baǵa da ósedi. Sondyqtan keıbir ata-analar balalaryna oqýǵa qajetti dúnıelerdi tolyq satyp ápere almaýy múmkin. Qoǵam bolǵannan keıin áleýmettik deńgeıi ár túrli adam bolady. Múmkindiginshe, jaǵdaıy tómen azamattarǵa qoǵam bolyp kómektesý – paryz. Mundaı aksııanyń jurtshylyqtyń bir-birine degen janashyrlyǵy men meıirimdilik sezimin oıatýda mańyzy úlken. Bul rette qazaq jerin meken etken qanshama dıaspora ókilderiniń de qaıyrymdylyqqa qosyp otyrǵan úlesi mol. О́ıtkeni bárimiz de bir shańyraqtyń astynda ómir súrip jatqan Qazaqstan deıtin alyp memlekettiń azamatymyz. Sol úshin de balalardyń júzine qýanysh syılaý barshamyzdyń mindetimiz», dedi ol.
О́z kezeginde balalaryna mektepke qajetti oqý-quraldaryn daıyndap bergen qaıyrymdy jandarǵa alǵysyn jaýdyrǵan, alaıda aty-jónin ataýdy jón sanamaǵan kópbalaly ananyń da «Mektepke jol» aksııasyna dán rıza ekenin júzinen baıqadyq.
«Otbasylyq tabysymyz kóp emes. Biraq jyl saıyn osyndaı izgi jandardyń arqasynda balalarymyzdy sabaqqa daıyndaýdan onsha qınalmaımyz. Shynymdy aıtsam, qazir mektep jasyndaǵy balalarǵa bar jaǵdaı jasalyp jatyr. Eshqandaı ata-ana da, oqýshy da dalada qalmaıdy. Bir jaǵynan, bul qaıyrymdylyq aksııasy eshkimdi bólip-jaryp otyrǵan joq. Barlyq balany teń kóredi. Sonyń ózi kóńilge – demeý. Osyndaıda ózińniń memleketke, qoǵamǵa kerek ekenińdi sezinesiń. Sondyqtan balalaryma «Týǵan eldeı el bolmas, týǵan jerdeı jer bolmas» degen babalar ósıetin únemi uǵyndyryp otyramyn», dedi ol.
Qazaqstan halqy Assambleıasy «Jomart jan» ortalyǵynyń josparyna sáıkes ótken «Mektepke jol» aksııasyna qalalyq slavıan, koreı, ózbek, túrik, ázerbaıjan, grýzın, uıǵyr, kúrdi, evreı, sheshen-ıngýsh, tatar-bashqurt, grek etnomádenı birlestikteri belsene qatysyp, izgilikti is-sharaǵa bir kisideı atsalysty. Buǵan qosa, shymkenttik etnomádenı birlestikterdiń belsendileri kópbalaly otbasylardyń balalaryn qajetti oqý quraldarymen qamtýdy áli de jalǵastyrýdy kózdep otyr.
ShYMKENT