Joldaý – el órkendeýiniń strategııasy

Memleket basshysy azamat­tar­dyń turmysyn jaq­sartýdy kózdeıtin júıeli ekonomıkalyq ózgeristerge basa nazar aýdardy. Prezıdent atap ótken barlyq toǵyz ba­symdyq memlekettik saıasatty dál osy mindetti oryndaýǵa jumyldyrady. 

Joldaýda júzge jýyq túrli bastama, usynys, tapsyrma bar. Mysaly, salyq júıesin muqııat oılas­tyra otyryp qaıta júkteý, sha­ǵyn jáne orta bıznesti qol­daýǵa arnalǵan sharalar toptamasyn ońtaılandyrý, aýyl sharýashylyǵy ónerkásibi úshin qoljetimdi nesıe berý, ádil ári tıimdi tarıf saıasatyn júr­gizý, kólik ınfraqurylymyn jańǵyrtý, bilikti mamandar daıarlaý, jasandy ıntellektini damytý jáne jappaı sıfrlandyrý, azamattardyń qaýipsizdigin jan-jaqty qamtamasyz etý sııaqty basymdyqtardy aıryqsha atap óteýge bolady.    

Prezıdent qoǵamda bir jyl boıy talqylanyp jatqan atom elektr stansasyn salý máselesine qa­tysty referendýmdy ótkizý kú­nin belgiledi. Bul referendým – «Halyq únine qulaq asatyn memleket» tu­jyrymdamasynyń jáne Ádiletti Qazaqstan ıdeıasynyń júzege asyrylyp jatqanynyń taǵy bir aıqyn dáleli. 

Memleket basshysy halyq­ty alańdatyp otyrǵan birqatar ózekti máselege arnaıy toqtaldy. Onyń ishinde ınternettegi alaıaq­tyq, jol apattary, áskerdegi tártip, narkobızneske qar­sy kúres, medısınalyq saqtan­dyrý júıesiniń kemshiligi, pedagogıkalyq jáne medısı­nalyq kadrlardyń tapshylyǵy, shaǵyn jáne orta bıznes salasyn shekten tys memlekettik baqylaý, aýyl sharýa­shylyǵy statıstıkasyn bur­malaý sııaqty túıtkilder bar. 

Joldaýdaǵy kóptegen áleý­mettik-ekonomıkalyq bastama Memleket basshysy Ult­tyq quryltaıdyń otyrystarynda aıtqan ıdeologııalyq tujyrymdardyń is júzinde júzege asyrylýynyń kórinisi bolǵanyn atap ótken jón.  

Prezıdent Joldaýyn ja­rııa­laýǵa arnalǵan jıynǵa depýtattar, mınıstrler men ákimder ǵana emes, túrli salada qajyrly eńbegimen dara­­lanǵan jumysshylar, sondaı-aq Ulttyq quryltaıdyń, aı­maq­­tyq qoǵamdyq keńesterdiń mú­she­le­ri qatysty. Bul tájirıbe jańa saıası dástúrge aınalyp keledi. 

Jalpy, Joldaý kóptegen kúnde­likti mindetterdi she­shý jáne eldi damytýdyń stra­tegııalyq maqsat­taryna jetý joldaryna arnaldy.

Erlan QARIN,

Memlekettik keńesshi