Kezek kúttirmeıtin ister

Joldaýda bilim másele­sine keńinen toqtalǵan Mem­leket basshysy kásiptik-teh­nıkalyq bilim aıasyn keńeıtý ózektiligi týraly da naqty sóz etti. Elimizde orta tapty damytý jáne halyqtyń áleýmettik ahýalyn jaqsartý úshin munyń bári asa mańyzdy.

«Ustazdar – ulttyq zııat­kerlik qýaty», dedi Prezıdent. Kásiptik-tehnıkalyq jáne jo­ǵa­ry oqý oryndarynda sala ma­mandaryn daıarlaý isiniń sapasy artatyn bolady. Memleket basshysy qajetti deńgeıge qol jetkizgenshe bilim salasyna reformalar júrgizile beretinin aıtty.

Joldaýda elimizdiń saıası jáne áleýmet­tik-ekonomıkalyq damý keleshe­gin­e de toqtaldy. Ásirese Úkimetke turǵyndardy jáne ekonomıkany qajetti kólemde gazben qamtamasyz etý­di tapsyryp, munaı-gaz-hımııa salasyn odan ári damytýdy mindettedi.

Sondaı-aq ol kásiptik bilim salasyna reforma keregin aıta kelip: «Bul – ekonomıkanyń ósimin qamtamasyz etý jáne ın­vestısııalyq tartymdylyǵyn arttyrý úshin asa qajet qadam. Men 2025 jyldy Jumysshy mamandyqtary jyly dep ja­rııa­laımyn. Osy ýaqyt ishin­de tehnıkalyq jáne kásibı bi­lim júıesin reformalaý qa­jet. Sondaı-aq biz jumysshy ma­mandyqtaryn dáripteý arqy­ly qoǵamda eńbekqor jáne naǵyz ma­man bolý ıdeıasyn nasıhattaımyz», dedi.

Memleket basshysy bıyl elimizde 12 myń shaqyrymǵa jýyq jol salynyp jatqanyn jáne temirjol salasynda re­forma jasaý úshin tarıf júıe­si qaıta qaralatynyn aıta kelip: «Elimiz Eýrazııa qur­ly­ǵynyń dál ortasynda orna­lasqan. Bul – bizge álemdik báse­ke­de zor múmkindik beretin artyq­shylyq. Sondyqtan kólik ın­fraqurylymyna salynyp jat­­qan árbir ınvestısııa ózin-ózi aqtaıtyny sózsiz. Biz keıingi urpaqqa joǵary sapaly avto jáne temirjoldardy qal­dy­rýy­myz kerek. Sondaı-aq tıim­di jumys isteıtin áýe hab­taryn, temirjol beketteri men teńiz porttaryn salýymyz qa­jet. Bul rette birqatar ke­shen­di máseleni sheshken jón», dedi.

Sonymen Joldaýdy muqııat tyńda­dyq. Endi osyndaı óte ózekti máselelerdiń bárin kezeń-kezeńimen júzege asyrý qajet.

Nurtóre JÚSIP,

Senat depýtaty