Almaty oblysynyń polıseıleri bala saýdasymen aınalysqan qylmystyq toptyń áreketin áshkereledi. Kúdikke ilingen 38 jastaǵy áıel qamaýǵa alyndy, dep habarlaıdy Egemen.kz.
«25 tamyzda «Surak.baribar» áleýmettik jelisinde kámeletke tolmaǵan balalar men jańa týǵan sábılerdi «zańdy túrde asyrap alý» jeleýimen zańsyz áreket etýi múmkin qylmystyq top týraly aqparat tústi. Oblystyq uıymdasqan qylmysqa qarsy kúres basqarmasynyń qyzmetkerleri 38 jastaǵy kúdiktini anyqtady. Kúdikti áıel Qyzylorda oblysynyń týmasy ekeni belgili boldy», dep túsindirdi oblystyq Polısııa departamentiniń basshysy Baýyrjan Álenov.
Polısııa qyzmetkerleri tarapynan qylmystyq is qozǵaldy. Kúdikti ýaqytsha ustaý ızolıatoryna qamaldy. Tergeý amaldary jalǵasyp, qylmystyq toptyń basqa músheleri izdestirilip jatyr.