Alty bilim oshaǵy ashyldy

Memleket basshysy­nyń tapsyrmasyna sáıkes óńirde «Jaı­ly mektep» ulttyq jobasy bo­ıynsha birneshe bilim uıasyn salý josparlanǵan. Alǵashqysy­nyń qurylysy mejeli merzimde aıaqtaldy.

Baızaq aýdanyna qarasty Sary­kemer aýylynyń oqýshyla­ry jańa oqý jylyn jańa mektepte bastap otyr. Bilim ordasy­nyń ashylý saltanatyna óńir bas­shysy Erbol Qarashókeev, oqý-aǵar­tý salasynyń ardager­leri, ata-ana­lar qatysty.

«Prezıdent Qasym-Jomart Toqaevtyń bastamasymen eli­miz­de bilim, ǵylym salasyn ór­ken­­detýge basymdyq berilip otyr­­­­ǵany anyq. Bizdiń óńirde de bi­lim berý salasyn damytý, ın­je­nerlik-kommýnıkasııalyq ınfra­qurylymmen qamta­ma­syz etý – negizgi baǵyt. Jas­ós­pi­rim­der­diń sapaly bilim alýyna qol­dan ­kelgenshe qoldaý kórsetip otyrmyz.

Sarykemer aýylynda «Jaıly mektep» ulttyq jobasy aıasynda boı kótergen jańa bilim or­dasy – balalarǵa jasalǵan qam­qor­lyqtyń bir kórinisi. Oqý or­da­synda jasóspirimderdiń qaýip­siz ári jaıly ortada sapa­ly bilim alýy úshin barlyq jaǵdaı qa­ras­tyrylǵan. Bir sózben aıt­qanda, bala­lardyń aýyz toltyryp aıtar­lyqtaı jetistikterge je­týine jaǵdaı jasalǵan», deıdi óńir basshysy E. Qarashókeev.

Jergilikti turǵyndar arasy­nan sóz alǵan ardager ustaz Asqar Bekbaýov bilim salasyndaǵy oń ózgerister týraly pikirimen bólis­ti. Aýyldyq jerlerde zamanaýı úlgide mektep salynǵany­na rızashylyǵyn bildirgen ol «Jaıly mektep» ulttyq jobasy aıasynda boı kóterip jatqan bilim ordalarynyń erekshelikterine toqtaldy. Sondaı-aq balalardyń sapaly bilim alýyna barynsha qoldaý bildirip otyrǵan Memleket basshysyna, jergilikti atqarýshy bılik ókilderine alǵys aıtty.

Ulttyq joba aıasynda salyn­ǵan jańa mektep 600 oqýshyǵa ar­nalǵan. Bilim alýshylarǵa bar­lyq jaǵdaı qarastyrylǵan bilim ordasy zamanaýı kabınettermen, sońǵy úlgidegi tehnıkalarmen tolyqtaı jabdyqtalǵan. Ǵıma­ratta 35 oqý bólmesi, 2 sport zal, 2 kompıýter kabıneti, májilis zaly, kitaphana jáne ashana, ul­dar men qyzdarǵa arnalǵan arnaıy sheberhana bar. Sondaı-aq balalardyń oqýlyqtary men jeke zattaryn saqtaýǵa arnalǵan shkaf­­­tar qoıylǵan. Mektep toly­ǵymen beınebaqylaý kamerasymen qamtylǵan. Sonymen qatar bilim uıasyna arnaıy jedelsaty ornatylǵan.

Sarykemerdegi ulttyq joba aıasynda salynǵan mektepten bólek, taǵy bes bilim uıasy paıda­l­anýǵa berildi. «Araı» jáne «Kazarma» turǵyn alabynyń hal­qy birneshe jyl boıy kótergen óze­kti másele ońynan sheshilip, mektep oqýshylary jańa bilim ordasynyń tabaldyryǵyn attady. Olardyń júzinen shattyqtyń lebi esip turdy.

Kerek derekke sensek, «Araı» turǵyn alabynda ashylǵan sý jańa mektep 600 oqýshyǵa arnalǵan ­bolsa, «Kazarma» turǵyn alabyn­da­ǵy oqý ordasy jańa oqý jylynda 180 bilim alýshyny qabylda­dy. Sondaı-aq Merki men Qor­daı ­aýdandarynda 150 oryndyq, Sarysý aýdanynda 50 oryndyq jańa bilim uıasy paıdalanýǵa berildi.

Jergilikti atqarýshy bılik kel­tirgen derekke júginsek, jańa mek­tepter bilim alýshylarǵa qa­jetti barlyq qajetti qural-jab­dyq­tarmen qamtylǵan. Ondaǵy zerthanalar men kompıýterlik synyptar zamanaýı tehnologııalarmen jabdyqtalǵan.

Jalpy alǵanda, óńir boıynsha 2024–2025 jyldary 41 bilim nysanynyń qurylys jumysy júrgiziledi. Jyl sońyna deıin 18 bilim ordasynyń qurylysyn aıaqtaý kózdelgen. Al Memleket basshysynyń tapsyrmasyna sáıkes «Jaıly mektep» ulttyq jobasy aıasynda 12 mektep boı kóteredi. Onyń 6-ýy osy jyly paıdalanýǵa berilmek. Sondaı-aq oblys boıynsha 10 bilim ny­sa­nynda kúrdeli jóndeý ju­mys­tary júrgizilip jatyr. Al 96 bi­lim ordasynda aǵymdaǵy jóndeý ju­mystary aıaqtalǵan.

Jambyl oblysy boıynsha 507 orta bilim berý uıymy bar. Barlyq bilim uıasynda 248 myń­nan astam oqýshy bilim nárimen sýsyndap jatyr. Al jańa oqý jylynda 21 myńǵa jýyq jetkinshek 1- synypqa qabyldandy.

О́ńirde jańadan ashylǵan bilim ordalarynyń arqasyn­da birneshe tozyǵy jetken mek­tep­tiń máselesi ońynan sheshildi. Osy jyldyń sońynda, kelesi jyly taǵy birneshe jańa mektep boı kóteretinin eskersek, jam­byldyqtar «jyrlap» kelgen on­daǵan bilim ordasynyń ózekti má­selesi ýaqtyly sheshimin tabatyny daýsyz.

Jambyl oblysy