Búginde lýdomanııa, sıntetıkalyq esirtki, sýısıd sekildi dúnıelerden jastardy alshaqtatý úshin de tárbıe men rýhanı ortanyń dıalogi qajet. Osy rette oblys ákimi Beıbit Isabaevtyń bastamasymen qolǵa alynǵan mentorlyq joba óz jemisin berip otyr. Sonyń nátıjesinde aýdandardaǵy jasóspirimder qylmysy 4 esege tómendegen. Búginde Jetisý mektepterinde 108 ádep jáne quqyq jumysy jónindegi mentor jumys isteıdi.
Otbasy qundylyǵy – ómirsheń taqyryp. Osy oraıda Jetisýdyń barlyq aýdan ortalyǵy men Tekeli qalasyndaǵy mektepterde ádep jáne quqyq jumysy jónindegi mentorlar jumysyna kiristi. Eske salsaq, bul joba qanatqaqty rejimde ótken oqý jylynda Taldyqorǵan qalasynda, jańa jyldan Panfılov aýdanynda bastalǵan edi. Osylaısha, joba tutas oblysty qamtydy.
Jańa oqý jylynda iske kirisken 40 mentordyń qatarynda jas maman Saıan Núsipjanov ta bar. Ol buǵan deıin quqyq qorǵaý salasynda jumys istegen. Jasóspirimder tárbıesine qatysty jańa joba qolǵa alynǵanyn estigen jas maman Kóksý aýdanyna qarasty Balpyq bı aýylyndaǵy Qadyrǵalı Jalaırı atyndaǵy mektep-gımnazııasynyń mentory bolýǵa nıet bildirgen.
«Jaz boıy basqa da mamandarmen birge daıyndyqtan ótip, psıhologııa baǵytyndaǵy semınar-trenıngterge, sol sııaqty Tótenshe jaǵdaılar jónindegi departament ókilderiniń oqys jaǵdaılarda qalaı áreket etýdi úıretetin sabaqtaryna qatystym. Sonymen birge ótken jyldan beri mentorlyqta jumys istep kele jatqan mamandar tájirıbesimen bólisti. Bul oqýshylarmen nátıjeli jumys isteýimizge, búgingi zamanǵy ózekti máselelerdi tıimdi sheshýge óziniń oń yqpalyn tıgizedi dep oılaımyn», deıdi S.Núsipjanov.
О́ńir ákiminiń baspasóz qyzmetiniń málimetinshe, ádep jáne quqyq jumysy jónindegi mentorlar búgingi zamanǵy ózekti máselelerdi eskere otyryp, 9 baǵytta, atap aıtqanda, balalar men jasóspirimderdiń quqyǵy men mindetin túsiný, nashaqorlyqtyń, lýdomanııanyń, sýısıdtiń, býllıngtiń, kıberbýllıngtiń, zorlyq-zombylyqtyń barlyq túriniń aldyn alý baǵytynda jumys júrgizedi. Sonymen qatar salaýatty ómir saltyn nasıhattaý, kásiptik baǵdar berý, sondaı-aq shyǵarmashylyq oılaýdy jáne qarjylyq saýattylyqty arttyrý, t.b. baǵyttarǵa erekshe nazar aýdarylady.
Búgin 7-synyp oqýshylaryna alǵashqy tanystyq sabaǵyn ótkizgen S.Núsipjanov balalarǵa mentor degenniń kim ekenin, onyń nemen aınalysatynyn túsindirip, ózine kez kelgen ómirlik jaǵdaılarǵa qatysty júginýge bolatynyn jetkizdi.
Jetisý oblystyq qoǵamdyq damý basqarmasy basshysynyń orynbasary Ilııas Tústikbaevtyń aıtýynsha, qazirgi kezde óńir mektepterinde 108 mentor jumys isteıdi.
«Oblys ákimi Beıbit Isabaevtyń bastamasymen ótken jyly Taldyqorǵan qalasynyń, al jyl basynan beri Panfılov aýdanynyń mektepterinde ádep jáne quqyq jumysy jónindegi mentorlyq qanatqaqty jobasy bastalǵan bolatyn. Bul joba óziniń tıimdiligin kórsetti. Máselen, Polısııa departamentiniń aqparatyna sáıkes atalǵan óńirlerde jasóspirimder qylmysy 4 esege tómendegen. Osyǵan baılanysty bıylǵy jańa oqý jylynan bastap barlyq aýdan ortalyǵy men Tekeli qalasyndaǵy mektepterge de mentor mamandardy engizý týraly sheshim qabyldandy. Qazir mentorlar jergilikti atqarýshy organdarmen birlesip jumystaryna kiristi», dedi I.Tústikbaev.
Mentorlyq jumysqa pedagogter, psıhologter, zańgerler, quqyq qorǵaý organdarynyń ardagerleri, jýrnalıster, t.b. mamandyq ıeleri tartylǵan. Olar mentorlyq qyzmetke áńgimelesý túrindegi irikteý konkýrsynan ótip, qabyldanǵan.
«Men Taldyqorǵan qalasyndaǵy №12 orta mektepte ádep-quqyq jónindegi mentor retinde qyzmet etip kelemin. Búginge deıin mektep oqýshylarymen etene aralasyp, biriniń syrlasyna, ekinshisiniń aınymas adal aqylshysyna aınalyp úlgerdik. Mentor retinde kóptegen shara uıymdastyryp, jastardy ónegeli is pen ulttyq qundylyqtarǵa qanyqtyrdyq. Otbasyndaǵy keıbir qajetti degen jylý men keńesti ata-analarynyń kúıbeń tirlikten qoly bosamaıtynyn eskerip, biz meılinshe molynan berýge tyrystyq. Sonyń arqasynda keıbir buıyǵy, tomaǵa-tuıyq minezdi oqýshylar ashylyp sóıleıtin deńgeıge jetti. Bizdi izdep kelip, keńes suraıdy. Osynyń ózinen-aq mentor retindegi qyzmetimiz jemisti deýge negiz bar», deıdi №12 orta mekteptiń ádep-quqyq jónindegi mentory Nazıra Razıeva.
Jalpy alǵanda, qoǵam, adam, zaman dep keletin negizgi taqyryptardyń bárin san baǵytta órnekteýge, áńgimelep óristetýge bolady. Alaıda jany taza óskeleń urpaqtyń tárbıege qatysty keı kemshiligin túzeýge ýaqyt pen kúsh kerek. Bul rette mentordyń mańyzy zor.
Jetisý oblysy