Búgin Sıfrlyq damý mınıstrliginiń ujymy Parıjde ótken 2024 jylǵy Paralımpıadada kúmis medal enshilegen sportshymyz Erkin Ǵabbasovty quttyqtady, dep habarlaıdy Egemen.kz.
Sıfrlyq damý mınıstri Jaslan Mádıev Erkin Ǵabbasovty jeke quttyqtap, alǵys hatpen jáne «Úzdik sıfrlandyrýshy» tós beldigimen marapattady.
«Bizdiń qatarymyzda Erkinniń bolǵanyna maqtanamyz, ol Paralımpıadada oq atý boıynsha Qazaqstanǵa alǵashqy medal ákeldi. Erkin 2014 jyldan beri Kókshetaý mamandandyrylǵan halyqqa qyzmet kórsetý ortalyǵynda jumys istep kele jatqan bilikti maman. Onyń jetistikke jetý joly – tabandylyq pen qaısarlyqtyń tarıhy», delingen habarlamada.
Sonymen qatar mınıstrlik onyń ıpotekalyq qaryzdaryn óteýge kómektesý úshin 7 mıllıon teńge jáne taǵy qosymsha sertıfıkat tabystady.