6 qyrkúıek Halyqaralyq «Uly dala joryǵy» marafon-báıgesiniń tórtinshi kezeńi aıaqtaldy. Tańǵy 7:00-de 11 komanda Aqmola oblysynyń Jaltyr eldi-mekeniniń mańynan joryqty bastap, Aqmola oblysynyń aýmaǵyndaǵy Toǵanas aýylynda aıaqtady.
Jalpy jol qashyqtyǵy 500 shaqyrymdy quraıdy jáne baǵyt Soltústik Qazaqstan, Aqmola oblysy jáne Astana qalasyn qamtıdy. Marafon erteń Astanada aıaqtalady.
Joryq baǵdarlamasyna sáıkes, komandalar marafon-báıgeniń 400 shaqyrymyn shaýyp ótti. Erteń komandalar sońǵy besinshi kezeńdi bastaıdy, Toǵanas aýyly mańynan atqa qonatyn qatysýshylar Astana qalasynyń mańynan qorytyndy 100 shaqyrymdy aıaqtaıdy.
Tórtinshi kezeń (100 shaqyrym) qorytyndysy boıynsha,Reseıdiń Qabardın-Balqar komandasy jeńimpaz atandy. Mańǵystaý oblysynyń komandasy máre syzyǵyna ekinshi bolyp jetse, úzdik úshtikti Aqtóbe oblysynyń komandasy túıindedi. Tórt kezeńniń jalpy qorytyndysy boıynsha mańǵystaýlyqtar alda keledi.
О́kinishke qaraı Qyrǵyzstan, Reseıdiń Qarashaı-Sherkesh jáne Tatarstan Respýblıkalary, Majarstan, Iran, Túrkııa Ońtústik Afrıka elderinen jáne qatysqan komandalar men Shyǵys Qazaqstan oblysynyń úzdikteri tizgindegen shabandozdardyń attary boldyryp, marafon-báıgeden shyǵyp qaldy.
Marafon-báıgege jumysyna 2 halyqaralyq jáne 5 elimizdiń sýdıasy, sondaı-aq 4 halyqaralyq jáne 3 jergilikti mal dárigeri qatysyp, joǵary standarttardy saqtaý men jylqylardyń densaýlyǵyna qamqorlyq jasaýǵa úlesin qosýda.
Joba uıymdastyrýshysyQR Ulttyq sport qaýymdastyǵy jáne Respýblıkalyq «JORYQ» at sport federasııasy. «Amanat» partııasy, Qazaqstan Respýblıkasy týrızm jáne sport mınıstrligi, Sport Qory, Soltústik Qazaqstan, Aqmola oblystary men Astana qalasynyń ákimdiginiń qoldaýymen ótip jatqan dodanyń jeńimpazdaryn marapattaý 7 qyrkúıekte «Qazanat» atshabar alańynda (Etno-aýyl) keshki saǵat 20:00-de ótedi.