Mańǵystaý oblysynda polıgondaǵy jıyn kezinde sarbaz aýyr jaraqat aldy, dep habarlaıdy Egemen.kz.
Qaıǵyly oqıǵa 7 qyrkúıekte Oımasha polıgonynda "Batys" óńirlik qolbasshylyǵy bólimsheleriniń jıyndary kezinde boldy. Saǵat 17:10 shamasynda lager, gvardııa kezekshisi leıtenant PM 9 mm tapanshadan ruqsat etilmegen oq atyp, gvardııanyń merzimdi qyzmet sarbazy qatardaǵy jaýynger Marat Erboluly Barqulovtyń betine tıdi.
Oq jaraqaty bar sarbaz shuǵyl túrde qalalyq aýrýhanaǵa jetkizildi, biraq jol boıynda saǵat 17:40 shamasynda qaıtys boldy. Aqtaý garnızonynyń baspasóz qyzmetiniń málimetinshe, ólim qarýmen jumys isteý erejelerin buzý saldarynan bolǵan.
Oqıǵanyń sebepteri men mán-jaıy anyqtalyp, qylmystyq is qozǵaldy. QR QK Qurlyq áskerleriniń qolbasshylyǵy men jeke quramy qaza tapqan adamnyń týystary men jaqyndaryna kóńil aıtty.