Qazaqstanǵa dándi-daqyldardy ákelýge tyıym salynǵannan beri tyıym salynǵan ónimdi zańsyz ákelýge tyrysqandar kóbeıgen. Belgilengen shekteýlerdi aınalyp ótý úshin ár túrli ádis qoldanylyp keledi, dep habarlaıdy Egemen.kz.
Aýyl sharýashylyǵy mınıstrliginiń málimetinshe, 6 qyrkúıekte BQO temirjol fıtosanıtarlyq posttarynda aýmaqtyq ınspeksııa ınspektorlary Reseıdiń Saratov oblysynan kelgen 4 vagon bıdaıdy (251 tonna) taýyp, keri qaıtarǵan.
Vagondar Taldyqorǵanǵa baǵyttalǵan.
Mınıstrlik málimetinshe, bul derek dándi-daqyldardyń kontrabandasy áreketteriniń jalǵasyp jatqanyn kórsetedi.
О́simdikter karantıni boıynsha ınspektorlar úzdiksiz baqylaý men qadaǵalaý júrgizip, tekserýler júrgizip, aqparatty taldaıdy, erejelerdiń saqtalýyn qadaǵalaıdy jáne zańbuzýshylyqtardy anyqtaıdy, bul eldiń fıtosanıtarlyq qaýipsizdigin jáne azyq-túlik qaýipsizdigin qamtamasyz etý úshin qajet, dep jazylǵan resmı habarlamada.
Eske sala keteıik, ishki naryqty qorǵaý jáne dándi-daqyldardy qaıta eksporttaý derekterin boldyrmaý úshin 2024 jyldyń 26 shildesinde Syrtqy saýda saıasaty jáne halyqaralyq ekonomıkalyq uıymdarǵa qatysý máseleleri boıynsha vedomstvoaralyq komıssııanyń otyrysynda Qazaqstan aýmaǵyna úshinshi elderden jáne EAEO elderinen keletin bıdaıdy barlyq kólik túrlerimen ákelýge 2024 jyldyń 31 jeltoqsanyna deıin tyıym salý týraly sheshim qabyldandy. Bul sheshim Qazaqstan aýmaǵy arqyly bıdaıdyń tranzıtin qospaǵanda, kúshine enedi.