Eske alý: Erte úzilgen úmit

Qarapaıym aýyl balasy, sol kezdegi M.Áýezov atyndaǵy Shym­­­kent pedagogıkalyq ınstı­týtynyń «Dene shynyqtyrý jáne sport» mamandyǵy boıynsha bitirip, eńbek jolyn Shymkent qalasyndaǵy mektepte dene shy­nyqtyrý pániniń muǵalimi bolyp bastady.

Bilim beretin mekteptegi uıym­dastyrýshylyq qabi­letin baıqaǵan óńirdiń dene shy­nyq­tyrý jáne sport basqarmasynyń basshylyǵy 1991 jyly basqar­maǵa qarasty «Oblystyq №1 olımpıada rezer­viniń maman­dan­dyrylǵan balalar men jas­óspirimder sport mek­tebi» dırek­torynyń oqý-isi jónin­degi orynbasary qyzmetine ta­ǵaıyndaıdy.

1992 jyldan bastap osy sport mektebiniń dırektory qyz­­­­metin atqarǵan Serik Adam­uly Tókeev 2000 jyly Ulttyq shtat­­­­tyq qurama komandalary dı­rek­sııasynyń basshysy bolyp taǵaıyndalýyna baılanys­ty ornyna onyń orynbasary, Qazaqstan Respýblıkasyna eńbegi sińgen jattyqtyrýshy, pedagogıka ǵylymdarynyń kandıdaty Talǵat Batyrhanuly bekitilip, daıyndaǵan sportshylary álem­dik deńgeıdegi sporttyq jarys­tarda joǵary nátıjelerge qol jetkize bildi.

Osy jyldar aralyǵynda sport mektebiniń sportshylary Azııa chempıonattary, jazǵy Azııa oıyndary, álem chempıonattary men jazǵy Olımpııa oıyndarynda olja salyp, júldemen oraldy.

2000 jyly Aýstralııanyń Sıdneı qalasynda ótken jaz­ǵy Olımpıadada elimizdiń Ulttyq qurama ko­mandasynyń sapynda Talǵat Batyrhanuly basqaratyn sport mektebiniń alty birdeı túlegi jasyndaı jarqyldady. 57 kılo salmaq dárejesindegi bylǵary qolǵap sheberi nebári 20 jastaǵy túrkistandyq Bekzat Sattarhanov jazǵy Olımpııa oıyndarynyń chempıony atansa, erkin kúres sheberi Gennadıı Lalıev 4-oryndy, bokstan halyqaralyq dáre­jedegi sport sheberi Oljas Ora­zalıev 5-oryndy ıelendi.

Osy sport mektebinen túlep ushqan talantty túlektiń biri – Otyrar aýdanynyń týmasy, sambo kúresinen halyqaralyq dárejedegi sport sheberi, eresekter arasynda úsh dúrkin (2001,2003, 2005) Azııa chempıony, búginde Qazaqstan Respýblıkasyna eńbegi sińgen jattyqtyrýshy Qural Orynbasaruly.

2004 jyly Grekııa astanasy Afınada ótken jazǵy Olımpııa oıyndarynda sport mektebiniń erkin kúres bóliminen túlep ushqan Gennadıı Lalıev kúmis júldege ıe bolsa, 2008 jyly Qytaıdyń Beıjiń qalasynda ótken jazǵy Olımpıada alamanynda bylǵary qolǵap she­beri Erkebulan Shynalıev qola medal enshilep, elimizdiń mereıin ústem etti.

Sondaı-aq 2010 jyly Sın­gapýr elinde tuńǵysh ret ót­kizilgen jasóspirimder arasyn­daǵy jazǵy Olımpııa oıyn­da­rynda taekvondo sheberi Nur­sultan Mamaev kúmis medal ıelendi. Talǵat Batyrhanulynyń basshylyǵymen daıyndalǵan sportshylar arasynda, boks­tan halyqaralyq dárejedegi sport sheberi, KSRO jáne Eý­ropa jeńimpazy, Qazaqstan Res­pýblıkasynyń eńbek sińirgen jattyqtyrýshysy, álemniń «Úz­dik jattyqtyrýshy» ataǵyn eki ret ıelengen Myrzaǵalı Aıt­janov, bylǵary qolǵap she­berleri, Qazaqstan Respýb­lıkasynyń eńbegi sińgen sport sheberleri, álem chempıondary Birjan Jaqypov, Qaırat Era­lıev, aýyr atletıkadan Qa­zaq­stan Res­pýblıkasynyń eńbek sińirgen sport sheberi, jazǵy Azııa oıyn­darynyń jeńimpazy Vıa­cheslav Nıý, Sergeı Kopytov jáne birneshe sport sańlaǵyn ataýǵa bolady. Búginde osy atal­ǵan sportshylardyń bári sport salasynda qyzmetterin abyroımen atqaryp júr.

Oıshyldar elinde dúnıege kelgen Talǵat Batyrhanuly Oń­tústik Qazaqstan jáne Túr­kis­tan oblysyndaǵy sport sala­synyń damýyna eleýli úles qosqan sanaýly mamandardyń biri edi. Buǵan dálel Talǵat Poshımov basshylyq etken jyl­dary sport mektebi 5 ret ob­lystyń «Úzdik sport mekemesi» ataǵyna ıe boldy.

Qazaqta «Ornynda bar ońa­lar» degen ataly sóz bar. Bú­gin­de Talǵat Batyrhanulymen jan jary Zamıra jeńgeı tárbıele­gen 4 ul-qyzdan 7 nemere ósip keledi.

Keleshekte el sportyn tizgin­degen basshylar bilikti mamannyń dene shynyqtyrý jáne sport salasyn damytýǵa qosqan úlesin laıyq­ty baǵalaıdy degen úmit­temiz.

Kózi tirisinde aǵamyzben qyz­mettes jáne dámdes bolǵan bar­lyq baýyrlarǵa 2024 jyldyń 14 qyrkúıek kúni, saǵat 13.00-de Shymkent qalasy, «Nursát» shaǵyn aýdany «Seıitjan qarı Es­­januly» meshitinde quran oqy­lyp, jyldyq asy beriletinin habarlaımyz.

Aǵa-ini, áriptesteri