Atasynyń qasynan shyqpaıtyn kishkentaı Káýsar kórgenin jadyna saqtaı júrgen. Eseıe kele qarap otyrmaı, atasy jasaǵan zattarǵa ulttyq oıýdy bederlep, keıde ózi de túrli buıymdar jasaı bastaǵan.
Osylaısha, qazaqtyń ulttyq qolóner buıymdaryn jasaýdy jaqsy meńgergen Káýsar Qalmyrzaqyzy – Keles aýdanyndaǵy №47 D.Qonaev atyndaǵy jalpy bilim beretin mektebiniń 9-synyp oqýshysy. Kópbalaly otbasynda ósip jatqan Káýsar búginde atasyna kómektesip dombyra, qobyz, ulttyq jádigerler men qolóner buıymdaryn jasaıdy. «Atam 20 jyldan beri qolónermen aınalysady. Maǵan bul is qatty unaıdy. Sabaqtan keıin úıge qaraı asyǵamyn, bos ýaqytymdy tıimdi ótkizgim keledi. Mektepte kórkem eńbek páni qatty qyzyqtyrady», deıdi Káýsar Súndetqul.
Iá, Káýsardyń atasy Súndetqul Altynbekuly – óńirge tanymal qolóner sheberleriniń biri. Al ákesi – shashtaraz, anasy mektepte muǵalim bolyp jumys isteıdi. Atasy men nemeresiniń jasaǵan qolóner buıymdary, dombyralary túrli kórmelerge qoıylǵan. Aýyl turǵyndary arasynda da suranysqa ıe.
Túrkistan oblysy