Aqtóbe qalasynda jol-kólik oqıǵasy saldarynan 3 jasar sábı qaıtys bolyp, anasy aýrýhanaǵa jetkizildi, dep jazady Egemen.kz Kazinform-ǵa silteme jasap.
«GAZel avtokóliginiń júrgizýshisi rettelmegen jaıaý júrginshiler ótkelinde eki jaıaý júrginshini qaǵyp ketti. Adamnyń ólimine ákep soqqan jol qozǵalysy erejelerin buzý faktisi boıynsha sotqa deıingi tergep-tekserý bastaldy. Júrgizýshi ýaqytsha ustaý ızolıatoryna qamaldy», dedi Aqtóbe qalalyq PB patrýldik polısııa batalony komandıriniń orynbasary Anýar Ibraev.
Oblystyq Densaýlyq saqtaý basqarmasy baspasóz qyzmetiniń málimdeýinshe, búldirshin jansaqtaý bólimine jetkizilgenimen, 35 mınýttan soń jan tapsyrǵan. Al onyń anasynyń jaraqaty kóp, jaǵdaıy aýyr.